Зохиолч: Д. Маам

Хавтас: Зөөлөн

Хэмжээ: 148x210

Нүүрний тоо: 754

ISBN: 9789997875549

Эрдэмтэн зохиолч Орлой Мажигийн Д.Маамын мэндэлсний 80 жилийн ой энэ онд тохиож байгаа билээ. Үүнийг тохиолдуулж XX зууны шилдэг романы нэг “Газар шороо” туульсын романы гурван ботийг шинэчлэн хэвлэжээ.

Зохиолч гурван боть романыхаа талаар “Миний бие “Газар шороо”-ны ажлыг илүү ч үгүй дутуу ч үгүй 16 жил гурван сар хийжээ” гэж сүүлчийн ботидоо тэмдэглэсэн байдаг. Нэгдүгээр боть нь 1976, хоёрдугаар нь 1982, гуравдугаар нь 1989 онд хэвлэгдэн гарч байснаас хойш 26 жилийн дараа ийнхүү гурван ботиороо хэвлэгдэн гарч байна.

"Газар шороо" романы эхний хоёр дэвтэрт харийн хааны "сүрэгчин" гэгдэж явсан Монголын нэгэн хошууны хүн ардын аж байдлыг манжийн дарангуй төр унах босгонд тулж ирсэн түүхэн зангилаа үйл явдлын дэвсгэр дээр, бусад олон хэрэг явдлын сүлжээн дунд уран сайхны дүрээр үзүүлэх бол гуравдугаар дэвтэрт манжийн эзэн эрхийг ямар ч үндэсгүйгээр өвлөх хэмээсэн "Дундат"-ын их гүрний дээрэнгүйлэлийг Хятадаас урьд, эрс шийдвэртэй тусгаарлаж, үндэсний төр улсаа сэргээн тунхагласан манай ард түмэн 1917 он хүртэл хэрхэн няцааж ирсэн бодит түүхэн үнэнг туульчлан үзүүлжээ.