Улаанбаатар

Онлайн номын дэлгүүр

АНД хэвлэлийн газар

Зохиолч:&nbsp;Данте АлигьриОрчуулагч: Д. ЦахилгаанХавтас: ХатууХэмжээ:&nbsp;165x250Нүүрний тоо:&nbsp;500ISBN:&nbsp;9789919281793 Тэнгэрлэг туульс нь Италийн суут зохиолч Данте Алигьеригийн 14-р зуунд бичсэн, дэлхийн утга зохиолын түүхэн дэх хамгийн агуу бүтээлүүдийн нэг билээ. Зохиолын би баатар 35 настай Данте өөрөө бөгөөд тэрээр Ромын алдарт яруу найрагч Виргилий болон хайр дурлалын дагина Беатричегаар замчлуулан ТАМ, АРИУСЛЫН ОРОН, ДИВААЖИН гэсэн гурван орноор хүний амьдралын утга учир болоод нүглийн мөн чанарыг ойлгох аялалд гарна. Тус зохиол нь зөвхөн нэг хүний сүнслэг аялал төдийгүй хүн төрөлхтний ёс суртахуун, авралын тухай гүн ухааны сургаал билээ. Данте өөрийн дүрээр дамжуулан дундад зууны үеийн шашин, ёс суртахуун, итгэл үнэмшлийн талаарх өөрийн бодлыг тусгаж, бурхны мэргэн ухаан, шударга ёс, хүний сонголт, нүгэл хилэнц, авралын тухай гүн гүнзгий асуултуудыг хөндсөн юм. Хэдийгээр дундад зууны шашин, улс төртэй нэвт холбогддог ч эл ном нь өнөөгийн уншигчдад ач холбогдолтой хэвээр байна.

Тэнгэрлэг туульс

Зохиолч:&nbsp;Гюстав ФлоберОрчуулагч: Т. АмардавааХавтас: ЗөөлөнХэмжээ:&nbsp;145x205Нүүрний тоо:&nbsp;292ISBN:&nbsp;9789997325754 “Бовари хатагтай” роман нь Гюстав Флоберийн хамгийн шилдэг бүтээлд тооцогддог. Төрөлхийн романтик хүн болох Эмма Бовари дундаж хүмүүс болоод өдөр тутмын амьдралын нэгэн хэмийн уйтгарт байдлын хүрээлэлтэйгээ эвлэрч үл чадна. Сонирхолтой, сэтгэлд ханамжтай үйл явдлын төлөө тэр хамгийн зоримог, өвөрмөц болоод шийдсэн алхамыг хийхэд ч бэлэн бүсгүй. Энэ бүсгүйн амьдрал, хайр дурлалын түүх хоёр зууны туршид дэлхий дахинаа хамгийн түгээмэл уншигдаж байгаа билээ.&nbsp;

Бовари хатагтай

Зохиолч:&nbsp;Ц. ДоржготовХавтас: ЗөөлөнХэмжээ:&nbsp;140x210Нүүрний тоо:&nbsp;605ISBN:&nbsp;9789919527051 Монгол улсын төрийн шагналт зохиолч Цэндийн Доржготовын уран бүтээл, нийтлэлийн түүвэр. Хувийн өмч нийтэд шилжив, Цайлган инээд цалгисан хөнгөмсөг насны яриа (1970-1984), Хэрсүүжих тусам хошигнол ургадаг (1976-2000), Шооч араншин нас дагаж уярдаг (1978-2005), Ёж егөө нулимсанд унтардаг (1992-2014), Хонгилын мухарт ёлтойх гэгээ (1992-2010), Үл алдрах итгэл (2010-2023), Түүх бол сургамж - багш бөгөөд залуурч - луужин (2010-2024), Шог зохиолч хулгай хийхээр гарлаа (2015-2024) гэсэн 7 хэсэгт нийтлэлээ хуваан энэхүү номдоо багтаажээ.&nbsp;

Дэлхий даахгүй баян

Зохиолч:&nbsp;Каваками МиэкоОрчуулагч: Л. СаруултөгсХавтас: ЗөөлөнХэмжээ:&nbsp;135x210Нүүрний тоо:&nbsp;236ISBN:&nbsp;9789919281694 Зохиолч Каваками Миэкогийн бүтээлүүд нь хувь хүн болон нийгэмд тулгардаг элдэв асуудлыг огт зөөлчлөлгүй яг байгаагаар нь дүрсэлдгээрээ, ихэвчлэн ширүүн реализмыг яруу найргийн эргэцүүлэлтэй хослуулдгаараа онцлог. Ялангуяа орчин үеийн уран зохиол дотор түүний “HEAVEN” шиг илэн далангүй, зоригтой бичигдсэн бүтээл цөөхөн.Энэхүү зохиол нь хүний амьдралд тохиож болох хамгийн гүн гүнзгий үйл явдлыг харуулах бөгөөд “өвдөлт”-ийн үнэн төрх, хэн нэгэнтэй холбогдох цөхрөнгөө барсан эрэл хайгуулд уншигчдыг хөтөлдөг. 1990-ээд оны японы дунд сургуульд өрнөх үйл явдлаар бусад хүүхдүүдэд дээрэлхүүлдэг зовлонгоороо холбогдон нөхөрлөсөн хоёр сурагчийн амьдралыг өгүүлнэ. Гэхдээ энэ нь зүгээр нэг хохирогчийн тухай түүх биш, харин зовлонгийн мөн чанар, хүмүүсийн харилцааны ээдрээ төвөгтэй байдал, зовлонг тэвчих гэж хичээн зүтгэхээс урган гарч буй оршихуйн асуултуудын тухай гүн гүнзгий бясалгал билээ.Тус зохиол бол уншиж буй нэгнийг сорьж, өдөөн хатгаж, эцэст нь хувиргаж, тэдэнд зүгээр нэг түүхийг биш, харин өөрөө туулсан мэт мэдрэмж, туршлагыг өгч, зовлон зүдүүр, өрөвдөх сэтгэл, хүний сэтгэлийн эмзэг байдлын талаарх өөрсдийн ойлголтоо эргэн харахад хүргэх болно. Кавакамигийн энэхүү гайхалтай ном таны сэтгэлийг хөдөлгөж, үймрүүлж, хамгийн гол нь эргэлт буцалтгүйгээр, гүн гүнзгий өөрчилнө гэдэгт бүү эргэлзээрэй.

Heaven

Зохиолч:&nbsp;Фёдор Михайлович ДостоевскийОрчуулагч: Ц. ГомбосүрэнХавтас: ЗөөлөнХэмжээ:&nbsp;148x210Нүүрний тоо:&nbsp;1091ISBN:&nbsp;9789997850676 Карамазовын хөвүүд бол гэр бүлийн болон гэмт хэргийн томоохон романуудыг нэг дор нэгтгэсэн бүтээл юм. Түүгээр ч зогсохгүй, өөр төрөлд, тухайлбал, философийн ч романд хамаарах бөгөөд чухам тийм ч учраас Достоевскийн оюун сэтгэлгээ хийгээд бичиж туурвих чадварын охь шим болсон бүтээлд зүй ёсоор тооцогддог билээ.Ер Достоевскийн бүх бүтээл эцэстээ Карамазовын хөвүүд романтай холбогдоно гэж хэлж болно. Түүний зохиол бүтээлдээ дэвшүүлэн тавьсан асуудлууд үнэндээ цоо шинэ зүйл биш юм. Харин ч урт настай, нэг ёсондоо хүн төрөлхтний “мөнхийн” гэмээр асуултууд бөгөөд тэрээр Үхэгсдийн байшингаас бичсэн тэмдэглэл (Записки из Мёртвого дома, 1861 ) болон Газар доороос бичсэн тэмдэглэл (Записки из подполья, 1864 ) туужаасаа хойших бүхий л зохиолдоо уг асуултуудыг авч үзсээр ирсэн байдаг.

Карамазовын хөвүүд

Зохиолч:&nbsp;Люси СкорОрчуулагч: О. Оргилболд, П. БаттогтохХавтас: ЗөөлөнХэмжээ:&nbsp;148x210Нүүрний тоо:&nbsp;544ISBN:&nbsp;9789919526481 Энэ бол "бүх хайрын түүх яаж төгсдөгийг мэддэг ч хэн нэгэнд чин хайраа зориулах" эр зоригийн&nbsp;тухай ном болжээ. Айдсыг үл хайхран хайрыг ахин дахин сонгох тухай энд өгүүлж. Маш их шаналж, шархална гэдгээ мэдсэн ч хайрлахаар шийдсэн хүнийхээ төлөө хажууд нь байж, тууштай хичээхийн чухлыг онцолсон ном болж.&nbsp;

Бидний даван туулж чадаагүй зүйлс

Зохиолч:&nbsp;Али ХэйзелвудОрчуулагч: Ө. СумъяаХавтас: ЗөөлөнХэмжээ:&nbsp;130x200Нүүрний тоо:&nbsp;479ISBN:&nbsp;9789919526498 Бий Кюнигсвассарын амьдралын ухаан тун энгийн: Ийм үед Мари Кюри юу хийх байсан бол? Хэрвээ түүнд НАСА-ын нейро-инженерчлэлийн төслийг удирдах мөрөөдлийн мэт ажил санал болговол Мари лав эргэлзэлгүй зөвшөөрнө дөө. Балай юм. Гэхдээ шинэ цагийн физикийн эх болсон түүн шиг эмэгтэй лав Леви Вардтай хамтарч ажиллахгүй дээ.&nbsp;Мэдээж хэрэг Леви нэг тийм цоргисон харцтай, дүнсгэр, өндөр гэдгээрээ сэтгэл татам л даа. Гэхдээ Левигийн Бийг гэх сэтгэл их сургуульд байхын л тодорхой байсан юм - тэдэн шиг заналт дайснууд нэгнээсээ алсын алсад, өөр өөрийн галактиктаа амар жимэр ажиллаж байсан нь дээр.&nbsp;Гэвч бүсгүйн судалгаанд хэрэгтэй тоног төхөөрөмжийн сураг алдарч, ажилчид түүнийг үл тоохын цагт өөрт нь тусалж, арыг нь дааж, санааг нь дэмжиж бас... харцаараа залгих шахаж буй Левиг үзээд Бий лав нүдэндээ ч итгэхгүй дээ. Тархины нь бүх холбоосыг идэвхжүүлж орхихоос өөрцгүй хэрэг.&nbsp;Гэхдээ чин үнэнээсээ ойртож, сэтгэлээ дэнслэхийн цагт цор ганц асуудал л чухал болно: Ийм үед Бий Кюнигсвассар юу хийх вэ?

Дурласан тархи

Зохиолч:&nbsp;Казүо ИшигүроОрчуулагч: Б. БайгалмааХавтас: ХатууХэмжээ:&nbsp;140x215Нүүрний тоо:&nbsp;342ISBN:&nbsp;9789997317834 Казүо Ишигүро 1954 оны 11 дүгээр сарын 8-нд Японы өмнөд хэсгийн томоохон боомт хот Нагасакид төржээ. Түүнийг зургаан настай байхад эцэг нь Британийн Засгийн газрын урилгаар Далай судлалын үндэсний хүрээлэнд ажиллахаар болж, гэр бүлээрээ Лондон руу шилжин суурьшихдаа хүүхдүүдээ авч явжээ. Анхандаа нэг юм уу дээд тал нь хоёр жил ажиллаад буцахаар төлөвлөж очсон тэдний гэр бүл Их Британид суурьшиж, он удаан жил амьдарсан аж. Түүний анхны роман Бүдгэрэн харагдах толгод 'A pale View of Hills-ийг 1982 онд британийн алдартай Faber &amp; Faber хэвлэлийн газар хэвлэн гаргасан бөгөөд үйл явдал нь төрөлх Нагасаки хотод өрнөдөг. Хожмоо дахиад зургаан ч роман бичиж, улмаар 2017 онд Нобелийн утга зохиолын шагналыг хүртсэнээр оргилдоо хүрэх зохиолчийн агуу замнал ийнхүү эхэлсэн юм. 2005 онд бичсэн Намайг бүү явуулаач хэмээх энэ зохиол нь Ишигүрогийн зургаа дахь роман бөгөөд Өдрөөс үлдсэн зүйл романы зэрэгцээ олноо хамгийн их алдаршсан бүтээл билээ. Энэ зохиолыг дистопи хэмээх төрөлд хамааруулан авч үздэг. Романы үйл явдал 1970, 80 ба 90-ээд оны Англи оронд өрнөх авч тэрхүү Англи орон бидний мэддэгээс ондоо. Тэндхийн хүмүүс маш урт наслах агаад дундаж наслалт нь зуу хэдийнээ давжээ. Учир нь клонын аргаар өөрсдийн хувилбарыг бүтээж, хэрэгцээтэй цагтаа эд эрхтнийг нь сэлбэг болгон авдаг юм санж. Эдгээр клонууд “жирийн” хүмүүсээс алс тусгаарласан байранд, хаалттай газарт амьдарна. Ийм байрнуудын нэг, тун ч тав тухтай тансаг газар болохыг нь уншигчид тун удалгүй олж мэдэх Хэйлшэмд зохиолын Би баатар Кэти.Ш бүсгүйн хүүхэд ахуй болон бага залуу нас өнгөрнө. Ихэнх клонуудыг насанд хүрэв үү үгүй юу эд эрхтнийг нь авах тул тэд их сайндаа л гурав юм уу дөрвөн удаа эд эрхтнээ өгсний дараа үхнэ. Анхны удаа эд эрхтнээ өгөөд л амиа алдах нь ч бий. Гэвч клонуудыг “үхсэн” гэж ярихгүй, харин „to complete“ гэсэн үгийг хэрэглэдгээс харахад тэдний оршин буйн цор ганц утга учир нь эд эрхтний донор болоход оршдог нь илэрхий. Клонуудын хувьд „асрагч“ болсноор амьдрах хоногийн тоогоо арай уртасгах боломж олдоно. Асрагч гэдэг нь бусдыгаа эрхтнээ өгөх үед нь хамт явж, арчилж сувилдаг клонууд юм. Кэти бол тэдгээр асрагч нарын нэг. Өөрийн түүхийг хүүрнэж эхлэх үедээ гучин нэгэн настай байх бөгөөд арван нэгэн наснаасаа хойш асрагчаар ажиллажээ. Гэвч тэрээр тун удалгүй өөрөө донор болох цаг ирж, тоотой хоногийн нас үлдсэний учир туулж өнгөрүүлсэн амьдралаа эргэн дурсана. Сэтгэл хөдөлгөхийн зэрэгцээ үймрүүлсэн энэ дурсамжаас ㌌ Кэтийн хүүхэд ахуй болон бага залуу нас, Рут гэгч найз бүсгүйнх нь тухай, түүний найз Томмитой үүсгэсэн, урт удаан настай золгүй хайрын түүхийг, тодруулж хэлбэл он цагийн явцад олон гэнэтийн эргэлт туулсан хайрын гурвалжны тухай олж мэднэ. Клонууд үнэн хэрэгтээ сэтгэл оюуны хувьд “жирийн” хүмүүсээс ямар ч ялгаагүй байдаг нь Кэтигийн хүүрнэлээс тодорхой болдог Хайрлах, найзалж нөхөрлөх, хардах, ганцаардах гэхчлэн хүний мэдэрдэг бүхий л мэдрэмжийг тэд огтоос ялгалгүй мэдэрдэг ажээ. Цорын ганц ялгаа гэвэл тэд үр хүүхэдтэй болж чадахгүйн дээр хувь заяа нь хэрхэн төгсөх нь хэдийнээ зурагдаж шийдэгдсэн байдаг. Гэвч энэ бүхнийг өөрчлөх арга зам байдаг юм биш биз? Зохиолын ертөнц рүү нэвтрэн орох цор ганц үүд хаалга бол Кэтигийн дотоод ертөнц, дурсамж, бодол эргэцүүлэл юм. Энэхүү роман нь Ишигүрогийн бусад бүхий л зохиолын нэгэн адил хүний оршихуйн асуудлыг мөн хөнджээ. Романы баатрууд нь жинхэнэ хүн гэж эс тооцогдох клон байх тусмаа энэ асуудлыг улам ч гүн хөндөж байна. Намайг бүү явуулаач өнөө цагт хүн төрөлхтний өмнө нээгдээд буй биотехнологийн өргөн боломж, нээлтүүдэд бодлогогүй хөнгөн хандаж хэрхэвч болохгүйг Ишигүро ил шулуухан, ой тойнд буутал сануулсан юм.&nbsp;

Намайг бүү явуулаач

Зохиолч:&nbsp;Казүо ИшигүроОрчуулагч: Г. СугиррагчааХавтас: ХатууХэмжээ:&nbsp;140x215Нүүрний тоо:&nbsp;248ISBN:&nbsp;9789919518714 1986 онд бичсэн&nbsp;Хөвөлзөх ертөнцийн зураач&nbsp;хэмээх энэхүү ном Ишигүрогийн хоёр дахь роман бөгөөд үйл явдал нь түүний анхны романы нэгэн адил Японд өрнөдөг. Уг бүтээл цаг хугацааны хувьд ч дайны дараах үе буюу 1948 оны аравдугаар сард эхэлж, 1950 оны зургаадугаар сар хүртэлх үеийг харуулах бөгөөд зохиолын гол хүүрнэл одоо цагт шууд өрнөхөөс илүүтэйгээр романы “би” баатар Масүжи Оногийн дурсамжаас бүрддэг.&nbsp;Хөвөлзөх ертөнцийн зураач&nbsp;бол олон талаар Ишигүрог Ишигүро болгосон бүтээл юм. Хүүрнэлийн арга хэлбэрээ эндээс л олж, 1986 онд энэ бүтээл нь Бүүкэрийн шагналын сүүлийн шатад шалгарснаар олонд анх танигджээ.&nbsp;&nbsp;&nbsp;Масүжи Оно бол Японд нэлээд нэр хүнд олсон, уран бүтээлчийн хүсэл тэмүүлэлтэй зураач хүн юм. Тэрээр залуу насандаа олноо танигдаж, шилдэг мастеруудаар заалган сурч боловсорсныхоо дараа 1930-аад оны үеэс эхлэн уран бүтээлээрээ Японы эзлэн түрэмгийлэх бодлогод үйлчлэх болж, асар богино хугацааны дотор нийгэмдээ ихээхэн нэр нөлөөтэй болно. Эцэстээ “Эх оронч бус үйлдэлтэй тэмцэх” газарт мэдээлэгчээр ажиллаж, Төрийн цагдаагийн газарт нөлөөтэй болсноор ганц үг хэлэхэд л сэжиг бүхий улс төрийн үзэл баримтлалтай уран бүтээлчдийг торны цаана суулгаж чадахуйц хэмжээнд хүрдэг. Гэвч цаг цагаараа байсангүй. Япон улс дайнд ялагдаж, Эзэн хаант империалист дэглэмд үнэнч байх нь нэгэн цагт Оногийн байр суурийг өргөж байсан бол, одоо харин нийгмийн шившиг, гай хөө болж хувирна. Дайны үед Оногийн эхнэр Мичико дэлбэрэлтэд өртөн нас барж, цэрэгт явсан хүү Кэнжи нь тулааны талбарт амиа алдана. Харин хоёр охин нь эсэн мэнд гарах хэдий ч эцгийнх нь улс төрийн намтрын улмаас бага охин Норико нөхөрт гарахад хүндрэлтэй болж хувирдаг. Нориког гэрлүүлэхээр сайтар бодож төлөвлөсөн анхны оролдлого бүтэлгүйтсэн цаад шалтгаан нь эцэг Масүжи Оногийн хаант засгийн уран бүтээлч явсантай холбоотой нь илэрхий харагдана. Эцэст нь Оно туулж ирсэнзамаа шүүмжлэлтэйгээр харж, алдаж эндэж явсан гэдгээ хүлээн зөвшөөрч чадах болов уу?

Хөвөлзөх ертөнцийн зураач

Зохиолч:&nbsp;Ножима НамиОрчуулагч: Д. ЧимгээХавтас: ЗөөлөнХэмжээ:&nbsp;148x205Нүүрний тоо:&nbsp;107ISBN:&nbsp;9789919907716 Аав ээж нар хүүхдийнхээ насны онцлогт нь тохируулсан бэлгийн боловсролын талаар ярилцаж, зөвлөгөө өгөх нь хамгийн чухал үүрэг хариуцлага гэж хэлж болох юм. Бид ярилцаагүй, бодит мэдээ мэдээллийг зөв цагт нь өгөөгүйн улмаас хүүхдүүд маань санаатай болон санаандгүй алдаа гаргах нь цөөнгүй байдаг. Тэгвэл бэлгийн боловсрол гэдгийг бага наснаас авхуулан хүүхэд бүрийн насны онцлогт тохируулан хүний бие махбод болон түүний үйл ажиллагаа, нөхөн үржихүй, сэтгэл хөдлөл, хүний эрхийн талаар олгогдох цогц мэдлэг гэж ойлгож болно. Тиймээс бид эцэг эхчүүд, асран хамгаалагч нарт зориулан гэр бүлээрээ хамт унших бэлгийн боловсролын анхны номоо орчуулан гаргахад бэлэн боллоо.&nbsp;

Маамуу хаанаас ирдэг вэ?

Зохиолч:&nbsp;Пауло КоэльоОрчуулагч: Н. АюушцэрэнХавтас: ЗөөлөнХэмжээ:&nbsp;108x175Нүүрний тоо:&nbsp;225ISBN:&nbsp;9789919527136 Хүн төрөлхтний цэцэн мэргэн ухааны дээж болсон улс үндэстнүүдийн сургамжит үлгэрийг баяжуулсан богино өгүүллэгүүдийн эмхэтгэл. Анх уншихад хэзээний мэддэг зүйл мэт санагдаж мэднэ. Гэхдээ Пауло Коэльо тархиндаа дахин “нэрж” ганц усаар охийг нь авсан учир уншихад хөнгөн ч философийн гүн агуулгатай. Мактуб ганц удаа уншаад цааш нь тавьчихдаг ном биш дэрлэж унтдаг судар. “Мактуб” нь фарси болон араб хэлээр “бичвэр” гэдэг утгатай.

Мактуб

Зохиолч:&nbsp;Пауло КоэльоОрчуулагч: Н. АюушцэрэнХавтас: ЗөөлөнХэмжээ:&nbsp;108x175Нүүрний тоо:&nbsp;119ISBN:&nbsp;9789919527143 Чимэг зураг бүхий энэ нимгэн номыг барьсан дороо уншиж дуусгана. Мэргэн харваач, нум сум харваж сурах хүсэлтэй хүү хоёрын түүх. Хүний хөлөөс дайжин аглагт амьдарч байсан мэргэн харваач Тэцүя дээр нумын эрдэмд сурах чин хүсэлтэй хүү ирж шавь орно. Тэцүя хүүг нум сумаар харваж сургахдаа амьдралын утга учир, өгөөмөр нинжин сэтгэл, энгийн бөгөөд эрхэмсэг оршихуйн ухааныг заана. Бид үргэлж шинийг судалж, мэдэхийг эрмэлздэг, энэ ном түүнийхээ хажуугаар хуучин дадал зуршлаа ч хамт гээхийн чухлыг таниулна.

Харваач

Зохиолч:&nbsp;Анни ЭрноОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;97ISBN:&nbsp;9789919280956 Уг зохиол ой санамжаа алдах өвчтэй болсон ээж нь амьдралынхаа сүүлийн өдрүүдийг үдэн нас барж буйгаар эхэлдэг. Ээжийнхээ тухай зохиолч бичсэн мэт боловч хөндлөнгийн нүдээр нэгэн эмэгтэйг ажиглаж судлан бичсэн хүүрнэл юм. Нэгэнтээ зохиолч би энэхүү бичвэрээ уран зохиолоос арай доогуур үнэлнэ гэж зохиолдоо дурдсан нь бий. Магтаал сайшаал, талархал, хайр энэрэл дүүрэн уран зохиол дах ээжийн дүрээс тэс өөр бодит бөгөөд амьд дүр. Магад тэгвэл та энэ номыг уншсанаар сэтгэлийн тайтгарал олж авах биз. Нас дээр гарч ертөнцийн мөнх бусыг үзүүлсэн нэгэн эмэгтэйн түүхээр аялахдаа та өөрийн сэтгэлээ эрхгүй онгичиж хэн нэгэнтэй сайтар ярилцсан мэт болох байх. “Эмэгтэй” зохиол нь Нью Йорк таймс сонины онцлох номоор шалгарч Лос Анжелесийн номын шагналын эцсийн шатанд шалгарчээ.

Эмэгтэй

Зохиолч:&nbsp;Анни ЭрноОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;109ISBN:&nbsp;9789919281168 Францын зохиолч Анни Эрно Байр суурь (La Place, 1983) зохиолдоо боловсрол, гэрлэлт, хувь хүний үнэт зүйл, хэл яриа, зан араншин, нийгмийн давхарга зэрэг амьдралын өнгө будгийг хайр хагацал, гуниг зовлон, үл ойлголцол гэх сэтгэлийн нарийн нандин мэдрэмжтэй хослуулан аав охин хоёрын харилцааг энгийнээр хүүрнэжээ. Тодруулбал, 12 настайдаа сургуулиа орхиж үйлдвэрийн ажилчин, улмаар бизнес эрхлэгч болсон аав, хувийн сургуульд суралцдаг (буржуаз) байсан охин хоёрын хоорондын харилцаа хийгээд ялгааг дүрсэлсэн аж. Аав нь ном уншдаггүй, “соёл” гэдгийг зөвхөн “газар тариалан эрхлэх” гэх утгаар ойлгодог байсан авай.Байр суурь хэмээх зохиолчийн дөрөв дэх номыг судлаачид “уран зохиолын нээлт” гэж цохон тэмдэглээд “цөөн хуудсанд эцгийнхээ амьдрал ахуй, түүнийг бүтээсэн нийгмийг бүхэлд нь дүрсэлжээ” хэмээн дүгнэсэн ажээ.

Байр суурь

Зохиолч:&nbsp;Маргерит ДьюраОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;154ISBN:&nbsp;9789997319074 Романы би хүүрнэгч болох ядуухан франц айлын 15 настай охин нэгэнтээ Мэконг мөрнийг гатлах завиар явж байхдаа залуухан хятад эртэй танилцана. Хятад эрийн том хар лимузин машин хөлөглөснөөс нь харахад хөрөнгө чинээтэй хүн болох нь шууд мэдэгдэнэ. Залуу эр охинтой яриа өдөж, машинаараа хүргэж өгье гэхэд охин саналыг нь хүлээж авна. Залуу эр охинд анхаарал тавин эргүүлсээр, улмаар тэд уулзалддаг болно. Үгүйрч хоосорсон гэр бүлийнхээ санхүүгийн байдлыг сайжруулна хэмээн найдсан би хүүрнэгч маань мөнөөх залуу эртэй хайр сэтгэлийн холбоо тогтоох ажээ. Тэдний энэ хайр дурлал маш олон талаар зөрчилдсөн харилцаа юм: Насны зөрүү, арьс өнгө, хөрөнгө мөнгөний (үүнээс улбаалан бас нийгмийн байдал, эрх мэдлийн ч) ялгаа болон хэн хэндээ хандаж буй сэтгэл мэдрэмж нь хүртэл эрс тэс ялгаатай. Энэ бүх саад тотгорыг эс харгалзан тэдний харилцаа улам гүнзгийрсээр, хөрөнгө мөнгөтэй боловч аз жаргалгүй, цаанаа л гуниг тээсэн залуухан хятад эр ч охинд сэтгэл алдарснаа үл нууна. Гэвч тэдний өмнө олон саад бэрхшээл буйгийн нэг нь залуугийн эцэг. Маш олон хориг цээр, нийгмийн дэг жаягийг эвдсэн энэ хайр сэтгэлийг эцэг нь хэрхэн хүлээж авах бол?

Амраг

Зохиолч:&nbsp;Ф. Скотт ФицжералдОрчуулагч: Б. ЧандманьХавтас: ЗөөлөнХэмжээ:&nbsp;115x180Нүүрний тоо:&nbsp;304ISBN:&nbsp;9789919281069 …Жилээс жилд алсарч холдсоор байдаг гэрэлт сайхан ирээдүйн ногоон гэрэлд Гэтсби итгэж байсан юм. Өнөөдөр яах вэ, гараас мултраад, биднээс займран одох нь хамаагүй, маргааш бид илүү хурдан гүйж, илүү холд гараа сунгахад л… гэж. Тэгээд л нэгэн сайхан өглөө…Ингэж бид давлагааны эсрэг тэмцэн байж урагшлахаар зүтгэдэг боловч завьтайгаа хамт цаг үргэлжид л өнгөрсөн рүүгээ хөвж байдаг билээ л…

Агуу Гэтсби

Зохиолч:&nbsp;Ц. БуянзаяаХавтас: ЗөөлөнХэмжээ:&nbsp;148x210Нүүрний тоо:&nbsp;138ISBN:&nbsp;9789919040543 Зохиолч, яруу найрагч Ц.Буянзаяа “Сайхны тухай санаанууд" яруу найргийн түүвэртээ сүүлийн 10 жилд бичсэн шүлгүүдээсээ шигшин эмхэтгэжээ. Яруу найргийн орчинд эрэлхийлэл хийсэн энэхүү шүлгүүд сэтгэлгээний шинэлэг хэв маягаараа нэн тэргүүнд өөрийн гэсэн өвөрмөц онцлогийг үүсгэж байгаа бөгөөд цаг хугацаа, орон зайн өргөн хүрээг хамарсан нийлэг өгүүлэмж бүхий чөлөөт дүрслэл, илэрхийлэлтэй юм. Ц.Буянзаяа урьд нь яруу найргийн төрлөөр “Залуугийн бадгууд” /1997/, “Цаг хугацааны далавч” /2004/, “Хүлэг морин норсон дэлээ сэгсрэх адил” /2006/, “Сэтгэл шинжлэл” /2008/, “Гүн санааны дүрс” /2011/ түүврүүд хэвлүүлсэн.&nbsp;

Сайхны тухай санаанууд

Зохиолч:&nbsp;Ц. БуянзаяаХавтас: ЗөөлөнХэмжээ:&nbsp;148x210Нүүрний тоо:&nbsp;318ISBN:&nbsp;9789919244156 “Сэтгэлзүйн тууриуд” түүвэрт орсон туурь өгүүллэгүүд нь зохиолын баатруудын ухамсар, сэтгэлзүйд өрнөж байгаа болон өрнөж үлдсэн "гэмтэл бэртлийн" үлдэцлэг шинжүүдийг нээн өгүүлсэн хүүрнэлүүд юм. Гэхдээ тэдгээр үлдэцлэг шинжүүд нь хүний ухамсар сэтгэлгээний далд ертөнцөд оршин байдаг төрөлхийн гэмээр чанаруудтай, тухайлбал, айдас, сүсэг, үзэн ядалт, шунал, өршөөл, өш хонзон, гэмт үйлдэл, гэнэн төөрөгдөл, хайр, харуулсал гэх мэт зүйлстэй уялдаатай өгүүлэгддэгээрээ онцлогтой. Амьдралын эгэл ахуйгаас үүдэлтэй дүрийн ухамсрын үзэгдэл, уран сайхны сэтгэлгээний илэрхийллээс бүрэлдэн бий болсон сэтгэц-ухамсрын олон талт хэв маягуудыг дүрслэн өгүүлснээрээ “Сэтгэлзүйн тууриуд” түүвэр нь шинэлэг бүтээл болсон билээ.

Сэтгэлзүйн тууриуд

Зохиолч:&nbsp;Ц. БуянзаяаХавтас: ЗөөлөнХэмжээ:&nbsp;148x210Нүүрний тоо:&nbsp;256ISBN:&nbsp;9789919040550 “Улаан шувууны жиргээ” роман нь хувь хүн болон нийгмийн амьдралын харилцан хамаарал, зөрчлийг өвөрмөцөөр илэрхийлсэн зохиол юм. Зохиолд амьдралын сайн сайханд тэмүүлсэн залуу хүний хүсэл тэмүүлэл амьдарч буй цаг үеийнх нь нийтлэг хандлага, нэгэн хэвийн гэмээр залхаг орчин, хүмүүсийн харилцаа, ёс зүй, моральтай хэрхэн зөрчилдөж буйг дүрийн ертөнцийн сэтгэл зүйгээр дамжуулан өгүүлжээ. Мөн аливаа хүн, тэр тусмаа залуу хүн&nbsp;амьдралын ямар ч саад бэрхшээлтэй тулгарсан ч хүсэл мөрөөдлөө хэзээ ч орхиж болохгүй гэсэн санаа илэрхийлэгддэг. Энэ роман нь 2002 онд анх нийтийн хүртээл болсноосоо хойш англи, хятад хэлээр болон БНХАУ-ын Үндэсний хэвлэлийн хорооноос эрхлэн гаргадаг “Монгол роман” цувралын есдүгээрт монгол бичгээр хэвлэгдсэн. Үүнээс гадна ОХУ-ын Хэл, утга зохиолын хүрээлэнгээс эрхлэн гаргасан “Орчин үеийн Ази, Африкийн уран зохиол” тойм эмхэтгэлд хорьдугаар зууны төгсгөл болон хорин нэгдүгээр зууны эхэн үеийн Монголын уран зохиолыг төлөөлөх гол бүтээлүүдийн нэгээр нэрлэгдэн тоймлогджээ. Түүнчлэн уг зохиолын уран сайхны онцлогийн талаар манай утга зохиолын салбарын нэр хүндтэй судлаачид нэг бус удаа дурдан, цөөнгүй өгүүлэл, шүүмж бичсэн нь бий.&nbsp;

Улаан шувууны жиргээ

Зохиолч:&nbsp;Ц. БуянзаяаХавтас: ЗөөлөнХэмжээ:&nbsp;148x210Нүүрний тоо:&nbsp;348ISBN:&nbsp;9789996292576 “Морин уруул” роман нь Монголын нийгмийн амьдралын нэгэн зуун жилийн түүхэнд тохиолдсон онцлог содон үйл явдлыг зохиолын баатрын сэтгэлзүйгээр дамжуулан илэрхийлсэн хүүрнэл буюу ухамсрын урсгалын хэлбэрээр өгүүлэгдэн бичигдсэн зохиол юм. Тэгэхдээ тэр нь үйл явдалд оролцоотой байсан түүхэн хүний дурсамж, гэрчлэлээр бус эгэл хүний бодол, эргэцүүллээр дамжин өгүүлэгддэгээрээ анхаарал татдаг. Зохиолд алс хөдөө нутгийн багийн хүний эмч Дэгмид хэмээх өвгөжөөр эр оногдсон ажил албаа залгуулан явах зууртаа өөрийн амьдрал, залуу насны гэгээн хайр дурлал, нийгэм цаг үеийнхээ хувирал хөдөлгөөн, ойр дотныхоо хүмүүсийн тухай үргэлжид бодолд автах бөгөөд түүний тэр бодлуудаар нь хөврөн зохиолын үндсэн үйл явдал өрнөдөг. Тиймээс энэхүү романыг хүн бол бодлын амьтан байдаг тиймээс хүний амьдралын дийлэнх хугацаа бодлын ертөнцөд нь өнгөрдөг гэсэн санааг өгүүлсэн зохиол гэж хэлж болох юм. Мөн зохиолд хувь хүний амьдралын тухай дурсамж, нийгэм цаг үеийн эргэцүүлэлүүдтэй зэрэгцэн хорвоо ертөнцийн танигдашгүй, таашгүй сонин хачин зүйлүүд сүлэлдэн өгүүллэгддэг билээ.

Морин уруул

Зохиолч:&nbsp;Л. ТүдэвХавтас: ЗөөлөнХэмжээ:&nbsp;145x210Нүүрний тоо:&nbsp;346ISBN:&nbsp;9789919207533 Дээрээс нар, доороос элс төөнөж Ингэнэ усны говьд жин үдийн халуун боллоо. Амьтан бүхэн сүүдэр хайж тарчилна. Халуун элсэнд амьдрах заяатай хонин гүрвэл хүртэл тэсэж ядан, амаа ангайн, бөөрөө түнхэлзүүлэн, загийн хожуул доогуур сүүдэр даган аахилж байлаа. Их говийн зэлүүд хязгаарт торойх бараагүй, анир чимээгүй дүнсгэр ажээ. Гагцхүү царцаа, голионы часхийх дуунаас өөр юу ч үл сонсогдох дүлий шар элсэн дунд гэв гэнэт нэгэн хар юм бүртэлзэн үзэгдлээ. Гэвч түүнийг сонирхох эсвэл түүнээс цочин бишүүрхэх нэгээхэн ч амьтан энэхүү илчилгүй их цөлийн дунд огтхон ч байсангүй. Бүртэлзэн шовсхийсэн тэр нэгэн нь загийн үжир үндсээр таяг хийж тулсан, хижээл насны сохор хүн байлаа. Нүд нь шаравтар бөгөөд пэлдэн мэт өнгөтэй, хараагүй болсон ажээ. Зүс царай нь төдий л доройтоогүй мөртлөө сэтгэлийн их зовуурьтай нь илэрхий үзэгдэнэ. Залуудаа цэвэр, цэмцгэр явсан хүний шинжийг хадгалсан хэвээр аж…

Оройгүй сүм

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;256ISBN:&nbsp;978996278686 Чингис хааны омбол хүү Хүлэг хааны Арабын ертөнцөд хийсэн аян дайны тухай өгүүлнэ. Хүлэг хааны итгэлт хүмүүн Хитбуха жанжныг арабчууд олзлон авч амьдаар нь дөрвөн мөчийг нь тасдан, толгойг нь шонд өлгөж Миссир даяар жигшүүлж байсан эмгэнэлт түүх энэхүү зохиолын гол цөм нь юм.

Айн жалудын цавчилдаан

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;472ISBN:&nbsp;9789919988210 Тан улс нь Хятадын түүхийн "Алтан үе"-ийн нэг бөгөөд дэлхий дахинд "Таван гайхамшиг"-ийг бүтээсэн гэдгээрээ алдаршжээ. Улс төр, эдийн засаг, соёл урлаг, уран барилга, утга зохиол зэрэг олон талаар тухайн үеийн дэлхийн тэргүүний түвшинд хүрсэн байжээ. Гэвч тэнгэрийн доорх Дундад орныг догшин сүрлэг хүчээр гурван зуун жил эзэгнэн байсан агуу их Тан гүрэн дотроосоо өтсөн аварга том мод шиг өмхөрч унана. Ингэх болсон хамаг шалтгааныг зохиолд цэг тавилгүй дүрсэлжээ. Бослого дэгдээгч, харгис жанжин Жу Вэнь баруун талаас давшиж, өмнө зүгээс Пүрмүзагийн хөлсний дайчид заналхийлж, умард зүгээс сэргэн хүчирхэгжсэн Кидан улс уулгалан довтолж ирсний улмаас агуу их сүр хүчээ дөрвөн зүг, найман зовхист гайхуулж асан Их Тан гүрэн мөхөх үү, сэхэх үү гэдэг нь "элсний урсгал, усны дуслын хурдаар" хэмжигдэх болсон ээдрээтэй цаг үеийг хүүрнэн өгүүлжээ.

Тан гүрнийг мөхөөсөн тайган эрийн өчил

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;304ISBN:&nbsp;9789979855152 "Луу амталсан нулимс" бол 1900-гаад оноос эдүгээ хүртэлх монголчуудын түүхийг уугуул биш боловч суугуул хүний нүдээр харсан бодит хийгээд бодит бус төсөөллийн тухай роман юм. ﻿Уйлсан хүний нулимсыг амталж үзээд баярласан, гомдсон, гунигласан, атаархсан гэх мэтээр нулимсны хамаг бүтцийг таньж мэдэрдэг ховорхон авьяастай Мин овогт Луу хэмээх хятад өвгөний Монголд өнгөрүүлсэн далан жилийн ээдрээт хачин амьдралыг энд тусгасан болно. 40 орчим жил талийгаачдын авсыг урлахдаа эртний Хятадын жам ёсны дагуу бүрлээч болгон дээр "Үхлийн данс" хөтөлж ирсэн энэ хүн "Мянган авсны баяр" гээгчийг хийж мянга дахь авсаа өөртөө зориулаад 90 насандаа таалал төгсөж буйгаар роман төгсөнө.