Гадаадын уран зохиол

Онлайн номын дэлгүүр

АНД хэвлэлийн газар

Мөрийчин” бол Достоевскийн амьдрал, хувь заяаг нь өөрчилсөн бурхны бэлэг билээ. Дэлхийн суут зохиолч, философич Достоевский гэж ямар хүн байсан бэ гэдийг мэдэхийг хүсвэл энэ номыг уншаарай.Түүний сэрэл мэдрэмж, галзуурал догшрол, солиорол хөөрөл, хор шар, хонзогнол бүгд байна. Зохиол оросын нэгэн язгууртны гэр бүлийг тойрсон үйл явдал, казиногийн эргэн тойронд өрнөнө. Орос хүний зан авир, амьдралыг үзэх үзлийг хайр найргүй дэлгэн харуулсан шигээ оросуудыг хоцрогдсон бүдүүлэг гэж үздэг барууны соёл иргэншилд бас хариу цохиолт өгсөн юм. Казиногийн орчноор дамжуулан хүний доторх бузар булайг илчлэн, сэтгэлийн олон өнгө хувирал, сэрэл мэдрэмжийг гайхалтай дүрслэн үзүүлж чадсан юм. Амьдрал хэмээх “казино”-д та үзэгч, ажиглагч, эсвэл багахан бооцоогоор цаг нөхцөөгч байх уу эсвэл сүүлчийн зоосоо шавхаад ч хамаагүй мөрийцөж чадах тийм аз соригч, том тоглогч байх уу? Манай баатар хайртай бүсгүйнхээ төлөө амьдралаараа дэнчин тавин рулетний өмнө зогсож байна. Аз дайрах уу, аль эсвэл сүйрэх үү? Гэхдээ нэг учир шалтгаан байна... Сэтгэлзүйн гарамгай мастер зохиолчийн бас нэг гайхамшиг таны өмнө байна...

Мөрийчин

Зохиолч Михаил Булгаков 1916 онд Улаан загалмайн байгууллагад сайн дураар элсэн орж 1918 оныг хүртэл Смоленскийн эмнэлэгт эмчээр ажилласан байна. Тэрээр энэ үеийнхээ туршлагыг “Записки юного врача” буюу “Залуу эмчийн тэмдэглэл” хэмээх зохиолдоо сүүлд дурдаж өгсөн байдаг.

Залуу эмчийн тэмдэглэл

Австри-Унгарын эзэнт улсын үед буюу 1881 оны 11 дүгээр сарын 28-ны өдөр их бичгийн хүн Стефан Цвейг мэндэлжээ. Түүнийг “Танихгүй эмэгтэй захидал” зохиолоор нь монголчууд андахгүй сайн мэдэх билээ.1900 онд Венийн Их Сургуульд оюутан болж, 1905 оноос Парис, Лондоноос Итали, Испани, цаашлаад Хойд, Өмнөд Америкаас Энэтхэгийг зорьсон их аянаа эхлүүлжээ. Тиймээс ч түүний зохиол бүтээлд сэтгэл сэргэм аяллын тухай заавал өгүүлдэг.

Стефан Цвейг Тууж, өгүүллэгүүд

Хууран мэхлэлт бол хүн төрөлхтний анхны зан араншингийн нэг юм. Энэхүү номд дундад зуунаас эдүгээг хүртэлх дэлхийг шуугиулсан зартай эрсийн бодит түүх билээ. Гэвч тэд ганц хүн луйвардан мэхлэх бус эх орныхоо төлөө эрэлхгээр тэмцэгч, хайрт бүсгүйнхээ хамгаалагч нь байжээ. Эцсийн эцэст тэдний зорилго нь эд хөрөнгө, эрх мэдэл бус эх орон, шударга ёс, тэгш эрх байсан.

Дэлхийд цуутай луйварчин эрчүүд

Энэхүү зохиолд залуу офицер, индиан омгийн сайхан бүсгүй хоёрын хайр сэтгэл, хайрын гурвалжингийн түүх, өрсөлдөөн, учир битүүлэг, нууцлаг адал явдал өрнөнө.

Нуурын хатан хаан

Францын үргэлжилсэн үгийн нэрт зохиолч П.Меримегийн "Коломба" түүвэр зохиол шинэ орчуулгатайгаар хэвлэгдэн гарлаа. Корсик хүн өшөөгөө авахгүйгээр үхэж болохгүй. Ямар нэг байдлаар өшөөг авч чадалгүй нас барсан бол тэр үүрэг үр хүүхэд, цаашлаад тэдний үр хүүхдэд өвлөгдөнө. Корсууд ийм л хүмүүс. Өв уламжлал, ёс заншилдаа үнэнч үзэсгэлэнт Коломба бусгүй эцгээс залгамжлан ирсэн өшөөгөө авахад бүсгүй хүний хувьд хэрхэн гар бие оролцож байгаа тухай адал явдалт зохиол. Хайр сэтгэл гэгч угтаа нийгмийн гарал үүсэл, баян хоосны ялгаа, нэр төрөө эрхэмлэх хоосон ёсорхолоос хавьгүй бодитой, хүчирхэг зүйл болохыг түүний ах Орсо болон эрхэм хурандаагийн эрх танхи, үзэсгэлэнт бүсгүй Лидия хоёрын явдлаас олж мэдээрэй.

Коломба

Эрх чөлөө, шударга ёсны төлөө тэмцэгч Майнард туулж өнгөрүүлсэн амьдралаасаа сэдэвлэн уянгын роман бичсэн нь нийгэмд тэсрэлт болох нь тэр. Гол баатар нь өсвөр насны охинд дурласан сэтгэлээ илчилсэн наманачлал маягтай. Хоёр жилийн өмнө мань эр хөлөг онгоцоор аялж явахдаа нэгэн баян язгууртны цэцэг цэврүү шиг ганц охиныг үхлийн аюулаас аварчээ. Алтан шаргал үстэй дур булаам тэр хөөрхөн охиныг Бланш гэнэ. Өөрийнх нь хүүхэд гэмээр тэр өсвөр охинд ухаангүй дурласан мань зоригт тэмцэгч хэзээ нэгэн цагт заавал эхнэрээ болгоно гэж "ам тангараг" өргөсөн аж. Хоёр жилийн хойно нөгөө охины 15 насны ойгоор ахмад Майнард уригдан очихдоо алдартай бестсэллэр номоо охинд өгч уншуулжээ. Тэр зохиолын гол баатрын хайртай хүн нь тэр охин уу, эсвэл энэ зүгээр нэг давхцал уу? Охины сэтгэлд юу бодогдсон бол. Ийм сонин ээдрээ гарч ирж байгаа юм.

Залуу эхнэр

Дэлхийн бөмбөрцгийн газар зүйн зургийг дэлгэж, Хойд Америк гэх аварга том хуурай газрыг, Америкийн Нэгдсэн Улсын алс баруун хязгаар нутаг болох Зэрлэг Баруун руу харцгаая. Бидний нүдний өмнө хүний гар огт хүрээгүй онгон зэрлэг байгальтай, уудам нэгэн нутаг цэлийнэ. Энэ нутгийн дүр зураг нь орчлон ертөнц анх&nbsp;үүссэн цагаас хойш хэн ч оролдож өөрчлөөгүй тийм ихэмсэг сүрлэг төрхтэй. Ширхэг шороо, чулуу бүхэн нь бурхан тэнгэрийн бүтээсэн анхны төрхөөрөө байгаа үзэсгэлэнт газар юм. Дүнсгэр уулсын сүрлэг нам гүмд бас түргэн урсгалт голын усны хоржигноонд энэ нутгийн савдаг оршиж, нүдэнд үл багтах их ойн гүнээс, навчин хөшгийг нэвтлэн биднийг харж зогсоо. Энэ ойгоор алхахад мянган жилийн настай аварга моддын навчсаар нэхэгдсэн зузаан зөөлөн хивс хөл доор шар шар дуугарна. Зүйлийн цэцэгсийн алмайрам үзэсгэлэн roo тэдний ганган өнгө будаг, сэтгэл сэргээх анхилуун үнэр нь биднийг мансууруулна....

Хуйхны ангуучид

Хайр сэтгэл, адал явдалт зохиолоороо дэлхийн сая сая уншигчдыг байлдан дагуулсан Английн зохиолч Томас Майн Ридийн бүтээлүүд цувралаар хэвлэгдэн гарч байна. Энэхүү цувралд ихэвчлэн урьд емне орчуулагдаж манай уншигчдын хүртээл болоогүй зохиолууд багтжээ.

Хувь заяаны төөрөг

&nbsp;Анж Питу нь агуу XV Людвикийн хаанчлалаас Францын хувьсгал хүртэлх үйл явдлыг багтаасан Александр Дюмагийн дөрвөн түүхэн романы нэг юм. Бусдаасаа өвөрмөц, сэтгэхүйн хувьд тэс ондоо төрсөн Анж Питу хэмээх хүүгийн ээж нас барснаар түүний золгүй хувь тавилан эхэлнэ. Асран хамгаалагчгүй өнчин хоцорсон тэрээр авга авга эгчийндээ амьдрах болсноор нөхцөл байдал бүр хүндэрч, өөрөө өдрийн хоолоо өл залгуулах, шуналтай авгынхаа амь зуулгыг олох хэрэгтэй болно. Өдөр, шөнийг умартан шувуу, туулай агнаж, түүний ангийн арьсыг авга эгч нь дамнан худалдаална. Гэвч нэгэн өдөр Форте ламын сургуулиас түүнийг хөөгдөхөд хожим Питуг лам болгож нярваар нь ажиллаж маш их мөнгөтэй болно гэж мөрөөдсөн авга эгчийн мөрөөдөл замхран алга болоход гэрээсээ эргэлзэлгүй хөөнө. Ийнхүү Анж Питу ангийн махаар амь зууж явахдаа фермийн эзний охин Катрин хэмээх нэгэн сайхан бүсгүй олж харна.&nbsp;&nbsp;&nbsp;&nbsp;Францын хувьсгалыг нэвт шингээсэн эл романд өлсгөлөн, харанхуй бүдүүлэг Францын ард түмэн өөрсдийн ядуурлын шалтгаан гэж үзсэн бүхнээ устгахын төлөөх улангасан дайрах бослого хөдөлгөөн, хурц тэмцлийг харуулна.&nbsp;

Анж Питу

"Монте Кристо гүн”, “Шадар гурван цэрэг” зэрэг алдартай бүтээлүүдээрээ дэлхийн сая сая уншигчдын талархлыг хүлээсэн францын алдарт зохиолч А. ДЮМА-ийн нэгэн сайхан роман анх удаа монгол хэлээр орчуулагдан худалдаанд гарч байна. Уншигчдынхаа сэтгэлд түүхэн бодит хүн шиг хүндлэгдэн үлддэг түүний зохиолын баатруудын дүрийг та санаж буй биз ээ.

Хатан хааны сондор

"Хоёр хатан хаан" романд Савойн вангийн амьдралаас Испанийн хатан хаан Мария Луиза хүртэлх ордны далд нууц түүхийг дэлгэн харуулснаараа сонирхолтой юм. Зохиолд 19-р зууны үеийн хүчирхэг гүрнүүд болох Англи, Франц, Итали, Испани зэрэг орнуудын язгууртан дээдсийн эрх мэдлийн төлөөх тэмцэл, далд хуйвалдааныг илчлэн бичсэн. Хаан хатан байх харахад сайхан боловч хувь заяаны шоглоом заримдаа санаанд оромгүй хүнд хэцүү зовлонд унагах нь бий. Францын зохиолч хатагтай Жорж Санд "Дюмагийн романууд биеийн болоод сэтгэлийн ядрааг арилгахад ямар ч эмнээс илүү хүчтэй" хэмээн тодорхойлжээ.

Хоёр хатан хаан

Хайр сэтгэл, адал явдалт,догдлол шаналал ,харуусал халаглал ,дүүрэн эмгэнэлт роман.Амь насанд нь халдах хуйвалдааныг илрүүлсэн ч түүнд оролцсон бүх хүнийг цаазын ялаас өршөөх бичгийг засаг баригч өөрөө өгдөг. Адал явдлаар дүүрэн энэхүү романыг уншаад үзээрэй.

Засаг баригчийн охин

Монте Кристо гүн”, “Шадар гурван цэрэг” зэрэг алдартай бүтээлүүдээрээ дэлхийн сая сая уншигчдын талархлыг хүлээсэн францын алдарт зохиолч А. Дфмагийн нэгэн сайхан роман анх удаа монгол хэлээр орчуулагдан худалдаанд гарч байна. Уншигчдынхаа сэтгэлд түүхэн бодит хүн шиг хүндлэгдэн үлддэг түүний зохиолын баатруудын дүрийг та санаж буй биз ээ.

Санаанд багтамгүй түүхүүд

А.Дюма “Тачаалын хатан хаан” роман нь алдарт Ди Веррау гүн ахайтны амьдралаас сэдэвлэн бичигджээ. Тэрбээр олон жилийн турш алдарт түүхэн хүний, тухайлбал Савойн ван буюу Виктор Амадейн нууц амраг байжээ. Энэхүү романд нууц амрагийн адал явдал дүүрэн адармаатай амьдрал, зовлон жаргалыг тодорхой харуулдаг юм. Тэрбээр эцэстээ Савойн ванг орхиж, нууц амрагийн амьдралтайгаа салах ёс гүйцэтгээд Парижд эргэн ирж амраглал таашаалаар дүүрэн амьдралаар амьдарна. Улмаар тухайн цагийн эрчүүдийнхээ дунд алдаршиж, шүтэн бишрэгчдээсээ “Тачаалын хатан хаан” нэрийг хүртэж, гайхам хачирхалтай амьдралыг туулсан тухай өгүүлдэг роман юм.

Тачаалын хатан хаан

Соёлын хувьсгалын дараа Хятад оронд улс төрийн цаг уур дулаарсан ч коммунист нам төрийн эрх барьж байгаа цагт дараагийн соёлын хувьсгал гарахгүй гэх итгэл, жирийн ард иргэдэд тийм ч амархан төрсөнгүй. Энэ байдлаас зугтаж, эрх чөлөөг мэдрэхийг хүссэн хэдэн мянган хятад залуусын төлөөлөл болсон харь хэл мэдэхгүй Анчи бүсгүй 1984 онд хүн танихгүй, АНУ-д халаас хоосон газардаж, мөрөөдөлдөө хэрхэн хүрсэн тухай энэхүү туужид өгүүлэх болно.

Үйлийн үр

Амгалан Хаш охин буюу Улаан сухай номын зохиолч Анчи Мин-ий уг бүтээл зөвхөн түүний амьдралын үнэн бодит түүх бус Хятад орны өчигдөр, өнөөдөр, маргаашийн тухай өгүүлснээ зохиогч өөрөө ч тухайн үедээ мэдээгүй гэдэг.Эл хоёр цуврал ном АНУ-д хэвлэгдэн гарсан даруйдаа бестселлер болжээ.&nbsp;Хятад улсад хүнд хүчир нийгэм ирж, тэрхүү аймшигт ертөнцийг даван туулж буй иргэдийг төлөөлсөн нэгэн гэр бүлийн түүхийг өгүүлнэ. Хүүхдүүд нь аав ээжтэйгээ ажил хийж, Маонизмыг даган шүтээгүй нэгнийг нийгмээрээ гадуурхан зайлуулж буй нь аймшигт дэглэмийг дагахаас өөр аргагүйд хүргэж буй тухай өгүүлнэ.

Анхны алхам буюу Улаан сухай

...Энэхүү өгүүллэг хүмүүсийн сэтгэлд хүрсэн нь олон хүний дурсамжийг хөндөж, тэр үеийн Бүгд Найрамдах Улсын өлсгөлөн өдрүүд бүхий л Ли Хай авга нартай салшгүй холбоотой хэмээн бодном.Өгүүллэг бол бодит амьдралын тусгал. Энэхүү өгүүллэг бидэнд болон манай гэр бүлд хэзээд үгийн илэрхийллээс чухал утга учиртай юм...