ХЭВЛЭЛИЙН ГАЗАР

Улаанбаатар

Онлайн номын дэлгүүр

АНД хэвлэлийн газар

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;256ISBN:&nbsp;978996278686 Чингис хааны омбол хүү Хүлэг хааны Арабын ертөнцөд хийсэн аян дайны тухай өгүүлнэ. Хүлэг хааны итгэлт хүмүүн Хитбуха жанжныг арабчууд олзлон авч амьдаар нь дөрвөн мөчийг нь тасдан, толгойг нь шонд өлгөж Миссир даяар жигшүүлж байсан эмгэнэлт түүх энэхүү зохиолын гол цөм нь юм.

Айн жалудын цавчилдаан

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x210Нүүрний тоо:&nbsp;326ISBN:&nbsp;9789919988203 1968 онд Чeх улсад коммунизмын эсрэг томоохон бослого дэгдэж, үүнийг Зөвлөлт тэргүүтэй Варшавын гэрээний арми нухчин дарснаар олон мянган хүний амь үрэгдэж, Барууны орнууд руу 30 гаруй мянган хүн дүрвэжээ.Тэр үeд Чeхэд суралцаж байгаад энэ бослогод оролцоод Англи улсад дүрвэж олон жил цагаачлаад эх нутгаа зорьсон нэгэн монгол залуу мөнхүү романы эх сурвалж болов.Барууны орноор олон жил сэлгүүцэж явсны уршгаар жар, далаад оны "Хүнд рок", наяад оны "Хэви мeтал"-аар өвчилсөн тэр нэгэн золгүй гитарчны эмгэнэлт хувь заяа таны өмнө дэлгэгдэж байна.

Өнхөрч яваа чулуу

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;472ISBN:&nbsp;9789919988210 Тан улс нь Хятадын түүхийн "Алтан үе"-ийн нэг бөгөөд дэлхий дахинд "Таван гайхамшиг"-ийг бүтээсэн гэдгээрээ алдаршжээ. Улс төр, эдийн засаг, соёл урлаг, уран барилга, утга зохиол зэрэг олон талаар тухайн үеийн дэлхийн тэргүүний түвшинд хүрсэн байжээ. Гэвч тэнгэрийн доорх Дундад орныг догшин сүрлэг хүчээр гурван зуун жил эзэгнэн байсан агуу их Тан гүрэн дотроосоо өтсөн аварга том мод шиг өмхөрч унана. Ингэх болсон хамаг шалтгааныг зохиолд цэг тавилгүй дүрсэлжээ. Бослого дэгдээгч, харгис жанжин Жу Вэнь баруун талаас давшиж, өмнө зүгээс Пүрмүзагийн хөлсний дайчид заналхийлж, умард зүгээс сэргэн хүчирхэгжсэн Кидан улс уулгалан довтолж ирсний улмаас агуу их сүр хүчээ дөрвөн зүг, найман зовхист гайхуулж асан Их Тан гүрэн мөхөх үү, сэхэх үү гэдэг нь "элсний урсгал, усны дуслын хурдаар" хэмжигдэх болсон ээдрээтэй цаг үеийг хүүрнэн өгүүлжээ.

Тан гүрнийг мөхөөсөн тайган эрийн өчил

Зохиолч:&nbsp;Б. ОйдовХавтас: ЗөөлөнХэмжээ:&nbsp;145x205Нүүрний тоо:&nbsp;304ISBN:&nbsp;9789979855152 "Луу амталсан нулимс" бол 1900-гаад оноос эдүгээ хүртэлх монголчуудын түүхийг уугуул биш боловч суугуул хүний нүдээр харсан бодит хийгээд бодит бус төсөөллийн тухай роман юм. ﻿Уйлсан хүний нулимсыг амталж үзээд баярласан, гомдсон, гунигласан, атаархсан гэх мэтээр нулимсны хамаг бүтцийг таньж мэдэрдэг ховорхон авьяастай Мин овогт Луу хэмээх хятад өвгөний Монголд өнгөрүүлсэн далан жилийн ээдрээт хачин амьдралыг энд тусгасан болно. 40 орчим жил талийгаачдын авсыг урлахдаа эртний Хятадын жам ёсны дагуу бүрлээч болгон дээр "Үхлийн данс" хөтөлж ирсэн энэ хүн "Мянган авсны баяр" гээгчийг хийж мянга дахь авсаа өөртөө зориулаад 90 насандаа таалал төгсөж буйгаар роман төгсөнө.

Луу амталсан нулимс

Зохиолч:&nbsp;Д. ЭнхболдХавтас: ЗөөлөнХэмжээ:&nbsp;145x210Нүүрний тоо:&nbsp;622ISBN:&nbsp;9789919001346 Нүүдэл аажуу уужуу ч урагшилсаар Зэд гол гатлан Сэлэнгэ, Үд голын бэлчирт иртэл нэгэн зүйл Зүчийн харааг булааж гар өргөн цэргээ зогсоон мөнөөх зүйлийг удтал ширтэв. Сэлэнгэ мөрний эргээ бялхах их усан дээр хар, улаан хоёр том эрвээхэй далавчаа хөвөн ямар нэг зүйл мэтгэж байхыг харж мэлрэн гайхав. Хоёр өнгийн тэр хоёр том эрвээхэйн мэтгэсэн зүйл нь харин өнгө өнгийн торго адил агаарт үл ялиг намирах дүрсийг мэтгэсээр үзсээр харсаар атал эцгийнх нь дүр болон хувирч байв…

Арван гуравдугаар зуун

Зохиолч:&nbsp;С. ОюунХавтас: ЗөөлөнХэмжээ:&nbsp;145x200Нүүрний тоо:&nbsp;312ISBN:&nbsp;9789997814395 Зохиолч Оюуны энэхүү номонд "Алтан урагийн босго", "Загвар өмсөгч", "Хайрын мод", "Нэгэн тэнгэрийн дор" зэрэг товч тодорхой дэвшүүлсэн санаа, гүнзгий бичлэг, энгийн дүр дүрслэл, тодорхой хүмүүсийн ухаан бодлын өсөлт хөгжилт алдаа оноог амьдаар харуулсан тууж өгүүллэгүүд орсон нь зохиолчийн ертөнцийг харах нүд, ухаарах ухаарлыг уншигч танд бэлхнээ харуулна.

Загвар өмсөгч

Зохиолч:&nbsp;А. ХишигтөгсХавтас: ЗөөлөнХэмжээ:&nbsp;145x205Нүүрний тоо:&nbsp;500ISBN:&nbsp;9789919202316 Alienation гэсэн үг Монголын нийгэмд тогтож хэрэглэгддэггүй нь социологи хөгжих шаардлагатайг хэлэх мэт. Нийгэм хүнийг хэрхэн хүнийсгэж харийн болгодог тухай тус бүрчлэн судлахын тулд зүсэм бүлгүүдээр хуваасан ба зүсэм бүлгүүд бүхэлдэж эцсийн эцэст цогцоор шинжлэхэд зориулагдсан.Бидний бүтээж байгаа нийгэм эргүүлээд биднийг бүтээж байдаг. Хэрэв хүмүүс хүнийсэлтэйгээр бүтээгдсээр байвал тэр нийгэм өвчилдөг. Хүнийсэл-ийг судалсан энэ бүтээл нь нийгмийн өвчлөлийн эсрэг вакцины үйлчилгээтэй. Энэ номоор бидний хардаг бодит байдал гэгчийг хусаад үзэхэд ямар нүүр мэлийснийг харах болно. Ингэснээр “ний нуугүй шүүж гарга” гэх социологичийн ёс зүйн үүргээ гүйцэтгэлээ.

Хүнийсэл

Зохиолч:&nbsp;Д. ХишигжаргалХавтас: ЗөөлөнХэмжээ:&nbsp;140x200Нүүрний тоо:&nbsp;264ISBN:&nbsp;9789919011192 Урьд өмнө нь эр хүнд сэтгэлийнхээ жолоог алдаж яваагүй бүсгүй нэгэн залуугийн халуун хайранд татагдан, тааварлашгүй тавилантай учирна. Цагийн их долгисол хувь хүний амьдралд хэрхэн нөлөөлсөн хийгээд, хүн хэвээрээ үлдэх үү, ашиг олон ядагч болох уу гэсэн олон сонголтонд алд бие, амь насаараа дэнчин тавих ч ойрхон байв.&nbsp;Эмэгтэй хүний уян зөөлөн сэтгэл, ээж, аавын элбэрэл хайр, хаан хуурын хамгийг уяраан дагуулах уран яруу ид шидийн мэдрэмж, үрээ гэсэн сүүн сэтгэл хүнийг гуниг гаслангийн балчиг намгаас татан гаргаж, гэрэл гийсэн амьдрал өөд өргөн дэвжүүлдгийг Сарнай бүсгүйн адал явдал, дурлал хайр дүүрэн амьдралаас таалан уншина уу.

Цөлд ургасан сарнай

Зохиолч:&nbsp;Д. ОюунчимэгХавтас: ЗөөлөнХэмжээ:&nbsp;145x205Нүүрний тоо:&nbsp;312ISBN:&nbsp;9789919206628 (Бодит явдлаас сэдэвлэн бүтээв)Гэнэт л ард ямар нэгэн аймшигтай юм байх шиг санагдав. Хэн нэгэн сэм сэмхэн гэтэж, гишгэх бүрд нь шал хотолзон шархирна. Эргэж харж зүрхэлсэнгүй. Самбарын өмнө бидэн рүү хараад ярьж зогсох Болд багш ангийн ард яваа тэр аймшгийг огтхон ч анзаарахгүй байна...

Усгал: Намайг хэн хайна вэ?

Зохиолч:&nbsp;Б. ПагмадуламХавтас: ЗөөлөнХэмжээ:&nbsp;120x180Нүүрний тоо:&nbsp;272ISBN:&nbsp;9789919016821 Энэ бяцхан ЭЕРЭГ ном өөрийгөө танихад тань, өрөөлийг ойлгоход тань, буруугаа хүлээхэд тань, бусдыг уучлахад тань, сэтгэлээ нээхэд тань, сэрэмжилж ухаарахад тань туслах нь дамжиггүй. Хүсээгүй ч нөмөрсөөр л явдаг олон давхар "нөмрөг"-өө бүгдээрээ хуулж, ил далд бүх л нүүр нь толины тусгал мэт адилхан оршдог шилэн ертөнцөд амьдрах сан…

Нөмрөг минь баяртай

Зохиолч:&nbsp;Б. ЭнхжаргалХавтас: ЗөөлөнХэмжээ:&nbsp;135x190Нүүрний тоо:&nbsp;230ISBN:&nbsp;9789919955830 Чихэр эмэгтэй бол чиний дотор орших хэмжээлшгүй их хүч бас чадвар юм. Чи түүнийг сэрээхэд амь оруулахад энэ ном тодорхой үүрэг гүйцэтгэн туслах болно.Чамд байгаа нууцлаг хүчийг чи өөрөө ч үл мэдэн тас нуусан байдаг ба үүнийг асаахад магадгүй бяцхан урам, гайхалтай инээмсэглэл чамайг тэврэх зөөлхөн хүч байхад л хангалттай.Чихэр эмэгтэй хэмээх нэгэн эрч хүч өгөгч бусдын дотор унтарч буй цогийг үлээн ноцоогч хийсвэр бүсгүйгээр төлөөлүүлэн амьдралд сөгдөх, өөрийгөө алдахаас тань хамгаалан номын хуудсаар дамжуулан энэхүү бичил түүхүүд таныг тэврэх болно.Хэн нэгэн хорвоо дээрх бүх муу зүйлийг олж хардаг бол чихэр эмэгтэй минь чи орчлон дээрх бүх сайхныг нь төсөөлж чаддаг, биелүүлж өгдөг ганц нь байгаарай.

Чихэр эмэгтэйн 147 хоног

Зохиолч:&nbsp;Альбер КамюОрчуулагч: Б. БаттогтохХавтас: ЗөөлөнХэмжээ:&nbsp;145x205Нүүрний тоо:&nbsp;308ISBN:&nbsp;9789919206987 Тахал романд 194... онд (яг тохиолдсон он цагийг зохиолд тодорхой хэлдэггүй) Алжирын нэгэн боомт Оран хотноо нууцлаг тахал дэгдсэн тухай өгүүлнэ.Тэр жилийн хавар, хотод хархнууд эхлээд ганц нэгээрээ, яваандаа мянга мянгаараа газар доорх нүхнээсээ гарч ирэн үхэцгээх болсноор зохиол эхэлнэ. Эхэндээ бүгд итгэхийг хүсээгүй боловч яваандаа бодит үнэн тодорч, цаашид өөрсдийгөө хуураад байх аргагүй болно. Хархнууд тахлаар үхэж буй бөгөөд үхлийн аюулт тахал аль хэдийнээ хархнаас хүмүүст халджээ. Халдварт өвчин хотод гэрлийн хурдаар тархав. Хоорондоо ижил шинж тэмдэгтэй аймшигт өвчнөөр үхэх хүмүүсийн тоо улам нэмэгдсээр байлаа. Байдал ноцтой болсонтой хотын захиргаа эцэстээ дуртай дургүй эвлэрнэ. Ингээд цар тахлын үеийн онц байдал зарлаж, Оран хотыг хааснаар ард иргэд гадаад ертөнцөөс таслагдах нь тэр.Тахлын тархалтыг хумьж намжаахын тулд хатуу арга хэмжээ авч, түүнийгээ улам бүр чангаруулсан ч хаврыг залгаад морилох халуун зуны саруудад байдал бүр ч дордож, тартагтаа тулах мэт санагдана.

Тахал

Зохиолч:&nbsp;Д. РаднаабазарХавтас: ЗөөлөнХэмжээ:&nbsp;148x210Нүүрний тоо:&nbsp;236ISBN:&nbsp;9789919034504 Зохиолч Д.Раднаабазар гуайн "Гашуун нүүдэл" зохиол нь нийт 9 өгүүллэг, 2 тууж болон тэмдэглэл, дурсамжаас бүрдэнэ. Юм бүхэн учиртай өгүүллэгийн хэсгээс,…Дагдан дотор сэтгэлээ гаслан, гаслан нохой гийнах мэт уйлж сууна. Хайртай эхнэр нь улаан нялзрай ганц охин төрүүлж өгөөд, хорвоог орхижээ. Тэднийх ойр хавьд айл хунар үгүй, хангайн сүрлэг уулсын дунд, битүү ой мод лүглийн, бяцхан горхи хоржигнон урсах "Зуслан хонх" хэмээх газар ганц гэр зусаж байв. Тэрээр час хийн уйлах охиноо тосон авч, хүүгий нь тасдан бөөцийлөх агшинд хань нь чалх муутай нүдээрээ нялзрай үрээ тогтуун гэгч нь нэг сайн хараад, юу ч хэлж чадалгүй, шивнэн шивнэн амандаа өршөөл, энэрэл гуйх шиг болоод амьсгал хураажээ…

Гашуун нүүдэл

Зохиолч:&nbsp;Давид КориОрчуулагч: Ж. ЗаяажаргалХавтас: ЗөөлөнХэмжээ:&nbsp;145x205Нүүрний тоо:&nbsp;191ISBN:&nbsp;9789996241833 Яагаад эмэгтэйлэг байдал нь эрчүүдийг байлдан дагуулж өөртөө татах увдистай байдаг вэ? Яагаад гэвэл эмэгтэйлэг байдал нь уян зөөлөн нинжин сэтгэлийг өөртөө хадгалан эр хүний эрх мэдэл, хийморь лундаа, хил хязгаарыг хүндэтгэн хүлээн зөвшөөрч түүний нөмөр нөөлөгт хоргодон хайрлагдаж чаддаг бүсгүй хүний дотоод сэтгэлийн зөөлөн чанарыг хэлнэ. Учир нь эршүүд байдал болон эмэгтэйлэг чанар нь бие биедээ татагддаг хуультай. Харамсалтай нь олон эмэгтэйчүүд эр хүн шиг зан авир гаргаж улмаар эрчүүдийн болоод нөхрийнхээ хайр энхрийллийг хүртэж чаддаггүй нь гаслантай. Энэхүү "Дур булаам эмэгтэйн 10 нууц" ном нь таны ер бусын дотоод мөн чанарыг нээн өгснөөрөө эмэгтэйлэг эрхэмсэг оршихуй тань эр нөхрийнхээ хайрын мөнгөн утсыг хөглөх болно.

Дур булаам эмэгтэйн 10 нууц: 5-10 нууцууд

Зохиолч:&nbsp;Давид КориОрчуулагч: Ж. ЗаяажаргалХавтас: ЗөөлөнХэмжээ:&nbsp;145x205Нүүрний тоо:&nbsp;170ISBN:&nbsp;9789996211192 Бүсгүй хүний дур булаам чанар нь түүнийг төрөхөд л хамт байдаг бөгөөд зарим нь энэ чанараа нээн дэлхий ертөнцөө чимдэг бол зарим нь өөрт нь дур булаам чанар байгаа эсэхийг ч мэддэггүй билээ. Тиймээс эр хүний сэтгэлийг өөртөө татаж түүний хайр энхрийлэл, эмэгтэй хүнийг ойлгох сэтгэлийн утсыг нь хөглөх торгон ухаан зөвхөн эмэгтэй хүнээс л гардаг. Эмэгтэй хүн эр хүнийг бүтээж бас устгаж ч чадна. "Дур булаам эмэгтэйн 10 нууц" номыг уншсанаар та гэрлэлтийн амьдрал тань утга төгөлдөржиж, нөхрийнхөө бүх хайр энхрийллийг эзэгнэж, өөрийн бүх нөөц боломжуудаа бүрэн хөгжүүлж, өөртөө итгэх итгэлээ нэмэгдүүлж илүү аз жаргалтай, илүү гоо үзэсгэлэнтэй, илүү эмэгтэйлэг дур булаам болж чадна.

Дур булаам эмэгтэйн 10 нууц: 1-4 нууцууд

Зохиолч:&nbsp;С. БаатарцогтХавтас: ЗөөлөнХэмжээ:&nbsp;130x210Нүүрний тоо:&nbsp;176ISBN:&nbsp;9789919021788 "Нохойн жиг" хэмээх тууж нь дотроо "Нохой дагуулсан хүн", "Торгон нэмнээ", "Цасан цувцаа", "Зэрлэг амьтад", "Нохойн зүрх", "Орчих хийгээд үдэхүйн уй" гэсэн хэсгүүдээс бүрддэг байна. Мөн "Нурам", "Хомоол түүгчид", "Нүгэл гэнэм", "Улиастайн голд уулзъя" зэрэг цөөнгүй өгүүллэгүүд багтжээ. Зохиолынх нь дүрүүд зохиол дотроо өөр өөрсдийнхөөрөө амьдарч, тус бүртээ бие даасан уран бүтээлчид мэт эрс тод зан төрхтэйгөөр уншигчидтай өрсөн барин "тэмцэлдэнэ". Үүнийг хамгийн тодоор "Нохойн жиг" хэмээх өвөрмөц туужид "сөрөг" талд явах зөрчилтэй эр Харгай, нууцлаг Бэлчир өвгөн, хүлээлтийн эзэн Мядаг, тавилангийнхаа дутууг нэхэх Чирэнгэр нарын тухай өгүүлэхдээ дүр бүхэнтэй зайлшгүй сэжмээр эргэн холбогддог чоно, нохдын энэлэнтээ хувь төөргөөр буюу байгалийн жамд хэлээр давхар тайлагнан уншигчтай мөн "тэмцэлдүүлэн" дэлгэснээс харж болно.

Нохойн жиг

Зохиолч:&nbsp;Михаил ЗощенкоОрчуулагч:&nbsp;Ч. Алтанзагас, Ц. Мөнхтуяа, В. ЦогмааХавтас: ЗөөлөнХэмжээ:&nbsp;145x205Нүүрний тоо:&nbsp;328ISBN:&nbsp;9789919963275 Хошин өнгө аясаар зохиолоо туурвидаг Оросын их зохиолч М.Зощенкогийн уг бүтээлд түүний алдарт хошин өгүүллэгүүд нь багтжээ. Михаил Зощенкогийн авьяас, мэдрэмжийн талаар Оросын их зохиолч Максим Горький түүнд хандан бичсэн нэгэн захидалдаа: ”Та маш сайхан бичлэгийн хэл бий болгож, түүнийгээ гаргууд сайн эзэмшжээ. Таны хошин шогийн мэдрэмжээс нэг л өвөрмөц, өөрийн гэсэн өнгө аяс мэдрэгдэж байна. Би таны бичсэн зохиолуудыг ихээхэн үнэлж байна, гэхдээ энэ бол дэмий хоосон магтаал биш. Цаашид таныг томоохон даацтай бүтээлүүд туурвина гэдэгт итгэж, найдаж байна. Шог зохиолчийн өгөгдөл танд хангалттай бий, мөн хошин шогийн хурцхан мэдрэхүйг тань утга уянга хөтлөж буй нь бүр ч гайхалтай. Утга уянга хийгээд хошин мэдрэхүйг ийнхүү төгс хоршуулан бичдэг нэг ч зохиолчийг би мэдэхгүй юм байна” хэмээн бичиж байжээ.

Мэдрэхүйн туужис

Зохиолч:&nbsp;Б. ЭнхжаргалХавтас: ЗөөлөнХэмжээ:&nbsp;120x180Нүүрний тоо:&nbsp;216ISBN:&nbsp;9789919955854 Хаа холоос намайг аз жаргалтай болгох гэж ирсэн тавдугаар сарын бороо минь. Тансаг үнэрт чинь гудамж талбай хэдийнээ дурлачихаад өнгө өнгийн будгаар будаж тордсон мэт илүү тод гялалзана. Таагүй ганц зүйл нь түүндээ хайртай хэмээгээд цав цагаан шохойгоор цардмал зам дээр тодоос тод зурайлган бичсэн сэтгэлийн үнэн үгс минь цагаан зам татуулан арилжээ.Эзэн нь олж уншаагүй энэ бичвэр ингээд чимээгүй урсан одсон нь илүү дээр байсан биз. Эргээд бодоход ичгэвтэр санагдаад, элгээ тэврэн хэлэх үггүй зогсох байсан ч юм бил үү!Бүү мэд, Тийм биз дээ… Заримдаа сэтгэл хөдлөлөө толинд л харуулсан нь илүү дээр байдаг.

Бидний 100 нууц

Зохиолч:&nbsp;Л. УндармааХавтас: ЗөөлөнХэмжээ:&nbsp;145x205Нүүрний тоо:&nbsp;148ISBN:&nbsp;9789919005283 Номын сэдэв хөнгөнөөсөө хүнд рүү шилжих бөгөөд хүний амьдралд хамгийн их хэрэглэгддэг 5000 үг хэллэгийг асуулт хэлбэрээр, дуудлага орчуулгын хамт мөн хариултыг нь эх хэлбэрээр 68-н бүлэгт хувааж оруулснаараа онцлог юм. Харилцаж буй хүнтэйгээ өөрийнхөө тухай цаашлаад ажил мэргэжил, сонирхол, нийгэм, улс төр, олон улсын талаар үзэл бодлоо чөлөөтэй илэрхийлж чаддаг болоход энэ ном танд тусална.

Англиар чөлөөтэй ярьж сурах 5000+ асуулт хариулт

Зохиолч:&nbsp;Л. УндармааХавтас: ЗөөлөнХэмжээ:&nbsp;140x200Нүүрний тоо:&nbsp;160ISBN:&nbsp;9789919202774 Номны сэдэв хөнгөнөөсөө хүнд рүү шилжих бөгөөд түгээмэл хэрэглэгддэг 3000 үг хэллэгийг дуудлага, орчуулга, зурагт тайлбарын хамтаар 38 бүлэгт хувааж оруулснаараа онцлог юм. Хүнтэй мэндлэхээс эхлээд, өөрийнхөө болон гэр бүлийнхээ тухай, цаашлаад ажил мэргэжил, сонирхол, улс төр, олон улсын талаарх үг хэллэгийг ашиглан бусадтай үзэл бодлоо чөлөөтэй илэрхийлж чаддаг болоход энэ ном таны дотны туслагч байх болно.