Гадаадын уран зохиол

Улаанбаатар

Онлайн номын дэлгүүр

АНД хэвлэлийн газар

Зохиолч:&nbsp;Данте АлигьриОрчуулагч: Д. ЦахилгаанХавтас: ХатууХэмжээ:&nbsp;165x250Нүүрний тоо:&nbsp;500ISBN:&nbsp;9789919281793 Тэнгэрлэг туульс нь Италийн суут зохиолч Данте Алигьеригийн 14-р зуунд бичсэн, дэлхийн утга зохиолын түүхэн дэх хамгийн агуу бүтээлүүдийн нэг билээ. Зохиолын би баатар 35 настай Данте өөрөө бөгөөд тэрээр Ромын алдарт яруу найрагч Виргилий болон хайр дурлалын дагина Беатричегаар замчлуулан ТАМ, АРИУСЛЫН ОРОН, ДИВААЖИН гэсэн гурван орноор хүний амьдралын утга учир болоод нүглийн мөн чанарыг ойлгох аялалд гарна. Тус зохиол нь зөвхөн нэг хүний сүнслэг аялал төдийгүй хүн төрөлхтний ёс суртахуун, авралын тухай гүн ухааны сургаал билээ. Данте өөрийн дүрээр дамжуулан дундад зууны үеийн шашин, ёс суртахуун, итгэл үнэмшлийн талаарх өөрийн бодлыг тусгаж, бурхны мэргэн ухаан, шударга ёс, хүний сонголт, нүгэл хилэнц, авралын тухай гүн гүнзгий асуултуудыг хөндсөн юм. Хэдийгээр дундад зууны шашин, улс төртэй нэвт холбогддог ч эл ном нь өнөөгийн уншигчдад ач холбогдолтой хэвээр байна.

Тэнгэрлэг туульс

Зохиолч:&nbsp;Гюстав ФлоберОрчуулагч: Т. АмардавааХавтас: ЗөөлөнХэмжээ:&nbsp;145x205Нүүрний тоо:&nbsp;292ISBN:&nbsp;9789997325754 “Бовари хатагтай” роман нь Гюстав Флоберийн хамгийн шилдэг бүтээлд тооцогддог. Төрөлхийн романтик хүн болох Эмма Бовари дундаж хүмүүс болоод өдөр тутмын амьдралын нэгэн хэмийн уйтгарт байдлын хүрээлэлтэйгээ эвлэрч үл чадна. Сонирхолтой, сэтгэлд ханамжтай үйл явдлын төлөө тэр хамгийн зоримог, өвөрмөц болоод шийдсэн алхамыг хийхэд ч бэлэн бүсгүй. Энэ бүсгүйн амьдрал, хайр дурлалын түүх хоёр зууны туршид дэлхий дахинаа хамгийн түгээмэл уншигдаж байгаа билээ.&nbsp;

Бовари хатагтай

Зохиолч:&nbsp;Фёдор Михайлович ДостоевскийОрчуулагч: Ц. ГомбосүрэнХавтас: ЗөөлөнХэмжээ:&nbsp;148x210Нүүрний тоо:&nbsp;1091ISBN:&nbsp;9789997850676 Карамазовын хөвүүд бол гэр бүлийн болон гэмт хэргийн томоохон романуудыг нэг дор нэгтгэсэн бүтээл юм. Түүгээр ч зогсохгүй, өөр төрөлд, тухайлбал, философийн ч романд хамаарах бөгөөд чухам тийм ч учраас Достоевскийн оюун сэтгэлгээ хийгээд бичиж туурвих чадварын охь шим болсон бүтээлд зүй ёсоор тооцогддог билээ.Ер Достоевскийн бүх бүтээл эцэстээ Карамазовын хөвүүд романтай холбогдоно гэж хэлж болно. Түүний зохиол бүтээлдээ дэвшүүлэн тавьсан асуудлууд үнэндээ цоо шинэ зүйл биш юм. Харин ч урт настай, нэг ёсондоо хүн төрөлхтний “мөнхийн” гэмээр асуултууд бөгөөд тэрээр Үхэгсдийн байшингаас бичсэн тэмдэглэл (Записки из Мёртвого дома, 1861 ) болон Газар доороос бичсэн тэмдэглэл (Записки из подполья, 1864 ) туужаасаа хойших бүхий л зохиолдоо уг асуултуудыг авч үзсээр ирсэн байдаг.

Карамазовын хөвүүд

Зохиолч:&nbsp;Люси СкорОрчуулагч: О. Оргилболд, П. БаттогтохХавтас: ЗөөлөнХэмжээ:&nbsp;148x210Нүүрний тоо:&nbsp;544ISBN:&nbsp;9789919526481 Энэ бол "бүх хайрын түүх яаж төгсдөгийг мэддэг ч хэн нэгэнд чин хайраа зориулах" эр зоригийн&nbsp;тухай ном болжээ. Айдсыг үл хайхран хайрыг ахин дахин сонгох тухай энд өгүүлж. Маш их шаналж, шархална гэдгээ мэдсэн ч хайрлахаар шийдсэн хүнийхээ төлөө хажууд нь байж, тууштай хичээхийн чухлыг онцолсон ном болж.&nbsp;

Бидний даван туулж чадаагүй зүйлс

Зохиолч:&nbsp;Али ХэйзелвудОрчуулагч: Ө. СумъяаХавтас: ЗөөлөнХэмжээ:&nbsp;130x200Нүүрний тоо:&nbsp;479ISBN:&nbsp;9789919526498 Бий Кюнигсвассарын амьдралын ухаан тун энгийн: Ийм үед Мари Кюри юу хийх байсан бол? Хэрвээ түүнд НАСА-ын нейро-инженерчлэлийн төслийг удирдах мөрөөдлийн мэт ажил санал болговол Мари лав эргэлзэлгүй зөвшөөрнө дөө. Балай юм. Гэхдээ шинэ цагийн физикийн эх болсон түүн шиг эмэгтэй лав Леви Вардтай хамтарч ажиллахгүй дээ.&nbsp;Мэдээж хэрэг Леви нэг тийм цоргисон харцтай, дүнсгэр, өндөр гэдгээрээ сэтгэл татам л даа. Гэхдээ Левигийн Бийг гэх сэтгэл их сургуульд байхын л тодорхой байсан юм - тэдэн шиг заналт дайснууд нэгнээсээ алсын алсад, өөр өөрийн галактиктаа амар жимэр ажиллаж байсан нь дээр.&nbsp;Гэвч бүсгүйн судалгаанд хэрэгтэй тоног төхөөрөмжийн сураг алдарч, ажилчид түүнийг үл тоохын цагт өөрт нь тусалж, арыг нь дааж, санааг нь дэмжиж бас... харцаараа залгих шахаж буй Левиг үзээд Бий лав нүдэндээ ч итгэхгүй дээ. Тархины нь бүх холбоосыг идэвхжүүлж орхихоос өөрцгүй хэрэг.&nbsp;Гэхдээ чин үнэнээсээ ойртож, сэтгэлээ дэнслэхийн цагт цор ганц асуудал л чухал болно: Ийм үед Бий Кюнигсвассар юу хийх вэ?

Дурласан тархи

Зохиолч:&nbsp;Казүо ИшигүроОрчуулагч: Б. БайгалмааХавтас: ХатууХэмжээ:&nbsp;140x215Нүүрний тоо:&nbsp;342ISBN:&nbsp;9789997317834 Казүо Ишигүро 1954 оны 11 дүгээр сарын 8-нд Японы өмнөд хэсгийн томоохон боомт хот Нагасакид төржээ. Түүнийг зургаан настай байхад эцэг нь Британийн Засгийн газрын урилгаар Далай судлалын үндэсний хүрээлэнд ажиллахаар болж, гэр бүлээрээ Лондон руу шилжин суурьшихдаа хүүхдүүдээ авч явжээ. Анхандаа нэг юм уу дээд тал нь хоёр жил ажиллаад буцахаар төлөвлөж очсон тэдний гэр бүл Их Британид суурьшиж, он удаан жил амьдарсан аж. Түүний анхны роман Бүдгэрэн харагдах толгод 'A pale View of Hills-ийг 1982 онд британийн алдартай Faber &amp; Faber хэвлэлийн газар хэвлэн гаргасан бөгөөд үйл явдал нь төрөлх Нагасаки хотод өрнөдөг. Хожмоо дахиад зургаан ч роман бичиж, улмаар 2017 онд Нобелийн утга зохиолын шагналыг хүртсэнээр оргилдоо хүрэх зохиолчийн агуу замнал ийнхүү эхэлсэн юм. 2005 онд бичсэн Намайг бүү явуулаач хэмээх энэ зохиол нь Ишигүрогийн зургаа дахь роман бөгөөд Өдрөөс үлдсэн зүйл романы зэрэгцээ олноо хамгийн их алдаршсан бүтээл билээ. Энэ зохиолыг дистопи хэмээх төрөлд хамааруулан авч үздэг. Романы үйл явдал 1970, 80 ба 90-ээд оны Англи оронд өрнөх авч тэрхүү Англи орон бидний мэддэгээс ондоо. Тэндхийн хүмүүс маш урт наслах агаад дундаж наслалт нь зуу хэдийнээ давжээ. Учир нь клонын аргаар өөрсдийн хувилбарыг бүтээж, хэрэгцээтэй цагтаа эд эрхтнийг нь сэлбэг болгон авдаг юм санж. Эдгээр клонууд “жирийн” хүмүүсээс алс тусгаарласан байранд, хаалттай газарт амьдарна. Ийм байрнуудын нэг, тун ч тав тухтай тансаг газар болохыг нь уншигчид тун удалгүй олж мэдэх Хэйлшэмд зохиолын Би баатар Кэти.Ш бүсгүйн хүүхэд ахуй болон бага залуу нас өнгөрнө. Ихэнх клонуудыг насанд хүрэв үү үгүй юу эд эрхтнийг нь авах тул тэд их сайндаа л гурав юм уу дөрвөн удаа эд эрхтнээ өгсний дараа үхнэ. Анхны удаа эд эрхтнээ өгөөд л амиа алдах нь ч бий. Гэвч клонуудыг “үхсэн” гэж ярихгүй, харин „to complete“ гэсэн үгийг хэрэглэдгээс харахад тэдний оршин буйн цор ганц утга учир нь эд эрхтний донор болоход оршдог нь илэрхий. Клонуудын хувьд „асрагч“ болсноор амьдрах хоногийн тоогоо арай уртасгах боломж олдоно. Асрагч гэдэг нь бусдыгаа эрхтнээ өгөх үед нь хамт явж, арчилж сувилдаг клонууд юм. Кэти бол тэдгээр асрагч нарын нэг. Өөрийн түүхийг хүүрнэж эхлэх үедээ гучин нэгэн настай байх бөгөөд арван нэгэн наснаасаа хойш асрагчаар ажиллажээ. Гэвч тэрээр тун удалгүй өөрөө донор болох цаг ирж, тоотой хоногийн нас үлдсэний учир туулж өнгөрүүлсэн амьдралаа эргэн дурсана. Сэтгэл хөдөлгөхийн зэрэгцээ үймрүүлсэн энэ дурсамжаас ㌌ Кэтийн хүүхэд ахуй болон бага залуу нас, Рут гэгч найз бүсгүйнх нь тухай, түүний найз Томмитой үүсгэсэн, урт удаан настай золгүй хайрын түүхийг, тодруулж хэлбэл он цагийн явцад олон гэнэтийн эргэлт туулсан хайрын гурвалжны тухай олж мэднэ. Клонууд үнэн хэрэгтээ сэтгэл оюуны хувьд “жирийн” хүмүүсээс ямар ч ялгаагүй байдаг нь Кэтигийн хүүрнэлээс тодорхой болдог Хайрлах, найзалж нөхөрлөх, хардах, ганцаардах гэхчлэн хүний мэдэрдэг бүхий л мэдрэмжийг тэд огтоос ялгалгүй мэдэрдэг ажээ. Цорын ганц ялгаа гэвэл тэд үр хүүхэдтэй болж чадахгүйн дээр хувь заяа нь хэрхэн төгсөх нь хэдийнээ зурагдаж шийдэгдсэн байдаг. Гэвч энэ бүхнийг өөрчлөх арга зам байдаг юм биш биз? Зохиолын ертөнц рүү нэвтрэн орох цор ганц үүд хаалга бол Кэтигийн дотоод ертөнц, дурсамж, бодол эргэцүүлэл юм. Энэхүү роман нь Ишигүрогийн бусад бүхий л зохиолын нэгэн адил хүний оршихуйн асуудлыг мөн хөнджээ. Романы баатрууд нь жинхэнэ хүн гэж эс тооцогдох клон байх тусмаа энэ асуудлыг улам ч гүн хөндөж байна. Намайг бүү явуулаач өнөө цагт хүн төрөлхтний өмнө нээгдээд буй биотехнологийн өргөн боломж, нээлтүүдэд бодлогогүй хөнгөн хандаж хэрхэвч болохгүйг Ишигүро ил шулуухан, ой тойнд буутал сануулсан юм.&nbsp;

Намайг бүү явуулаач

Зохиолч:&nbsp;Казүо ИшигүроОрчуулагч: Г. СугиррагчааХавтас: ХатууХэмжээ:&nbsp;140x215Нүүрний тоо:&nbsp;248ISBN:&nbsp;9789919518714 1986 онд бичсэн&nbsp;Хөвөлзөх ертөнцийн зураач&nbsp;хэмээх энэхүү ном Ишигүрогийн хоёр дахь роман бөгөөд үйл явдал нь түүний анхны романы нэгэн адил Японд өрнөдөг. Уг бүтээл цаг хугацааны хувьд ч дайны дараах үе буюу 1948 оны аравдугаар сард эхэлж, 1950 оны зургаадугаар сар хүртэлх үеийг харуулах бөгөөд зохиолын гол хүүрнэл одоо цагт шууд өрнөхөөс илүүтэйгээр романы “би” баатар Масүжи Оногийн дурсамжаас бүрддэг.&nbsp;Хөвөлзөх ертөнцийн зураач&nbsp;бол олон талаар Ишигүрог Ишигүро болгосон бүтээл юм. Хүүрнэлийн арга хэлбэрээ эндээс л олж, 1986 онд энэ бүтээл нь Бүүкэрийн шагналын сүүлийн шатад шалгарснаар олонд анх танигджээ.&nbsp;&nbsp;&nbsp;Масүжи Оно бол Японд нэлээд нэр хүнд олсон, уран бүтээлчийн хүсэл тэмүүлэлтэй зураач хүн юм. Тэрээр залуу насандаа олноо танигдаж, шилдэг мастеруудаар заалган сурч боловсорсныхоо дараа 1930-аад оны үеэс эхлэн уран бүтээлээрээ Японы эзлэн түрэмгийлэх бодлогод үйлчлэх болж, асар богино хугацааны дотор нийгэмдээ ихээхэн нэр нөлөөтэй болно. Эцэстээ “Эх оронч бус үйлдэлтэй тэмцэх” газарт мэдээлэгчээр ажиллаж, Төрийн цагдаагийн газарт нөлөөтэй болсноор ганц үг хэлэхэд л сэжиг бүхий улс төрийн үзэл баримтлалтай уран бүтээлчдийг торны цаана суулгаж чадахуйц хэмжээнд хүрдэг. Гэвч цаг цагаараа байсангүй. Япон улс дайнд ялагдаж, Эзэн хаант империалист дэглэмд үнэнч байх нь нэгэн цагт Оногийн байр суурийг өргөж байсан бол, одоо харин нийгмийн шившиг, гай хөө болж хувирна. Дайны үед Оногийн эхнэр Мичико дэлбэрэлтэд өртөн нас барж, цэрэгт явсан хүү Кэнжи нь тулааны талбарт амиа алдана. Харин хоёр охин нь эсэн мэнд гарах хэдий ч эцгийнх нь улс төрийн намтрын улмаас бага охин Норико нөхөрт гарахад хүндрэлтэй болж хувирдаг. Нориког гэрлүүлэхээр сайтар бодож төлөвлөсөн анхны оролдлого бүтэлгүйтсэн цаад шалтгаан нь эцэг Масүжи Оногийн хаант засгийн уран бүтээлч явсантай холбоотой нь илэрхий харагдана. Эцэст нь Оно туулж ирсэнзамаа шүүмжлэлтэйгээр харж, алдаж эндэж явсан гэдгээ хүлээн зөвшөөрч чадах болов уу?

Хөвөлзөх ертөнцийн зураач

Зохиолч:&nbsp;Пауло КоэльоОрчуулагч: Н. АюушцэрэнХавтас: ЗөөлөнХэмжээ:&nbsp;108x175Нүүрний тоо:&nbsp;225ISBN:&nbsp;9789919527136 Хүн төрөлхтний цэцэн мэргэн ухааны дээж болсон улс үндэстнүүдийн сургамжит үлгэрийг баяжуулсан богино өгүүллэгүүдийн эмхэтгэл. Анх уншихад хэзээний мэддэг зүйл мэт санагдаж мэднэ. Гэхдээ Пауло Коэльо тархиндаа дахин “нэрж” ганц усаар охийг нь авсан учир уншихад хөнгөн ч философийн гүн агуулгатай. Мактуб ганц удаа уншаад цааш нь тавьчихдаг ном биш дэрлэж унтдаг судар. “Мактуб” нь фарси болон араб хэлээр “бичвэр” гэдэг утгатай.

Мактуб

Зохиолч:&nbsp;Пауло КоэльоОрчуулагч: Н. АюушцэрэнХавтас: ЗөөлөнХэмжээ:&nbsp;108x175Нүүрний тоо:&nbsp;119ISBN:&nbsp;9789919527143 Чимэг зураг бүхий энэ нимгэн номыг барьсан дороо уншиж дуусгана. Мэргэн харваач, нум сум харваж сурах хүсэлтэй хүү хоёрын түүх. Хүний хөлөөс дайжин аглагт амьдарч байсан мэргэн харваач Тэцүя дээр нумын эрдэмд сурах чин хүсэлтэй хүү ирж шавь орно. Тэцүя хүүг нум сумаар харваж сургахдаа амьдралын утга учир, өгөөмөр нинжин сэтгэл, энгийн бөгөөд эрхэмсэг оршихуйн ухааныг заана. Бид үргэлж шинийг судалж, мэдэхийг эрмэлздэг, энэ ном түүнийхээ хажуугаар хуучин дадал зуршлаа ч хамт гээхийн чухлыг таниулна.

Харваач

Зохиолч:&nbsp;Анни ЭрноОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;97ISBN:&nbsp;9789919280956 Уг зохиол ой санамжаа алдах өвчтэй болсон ээж нь амьдралынхаа сүүлийн өдрүүдийг үдэн нас барж буйгаар эхэлдэг. Ээжийнхээ тухай зохиолч бичсэн мэт боловч хөндлөнгийн нүдээр нэгэн эмэгтэйг ажиглаж судлан бичсэн хүүрнэл юм. Нэгэнтээ зохиолч би энэхүү бичвэрээ уран зохиолоос арай доогуур үнэлнэ гэж зохиолдоо дурдсан нь бий. Магтаал сайшаал, талархал, хайр энэрэл дүүрэн уран зохиол дах ээжийн дүрээс тэс өөр бодит бөгөөд амьд дүр. Магад тэгвэл та энэ номыг уншсанаар сэтгэлийн тайтгарал олж авах биз. Нас дээр гарч ертөнцийн мөнх бусыг үзүүлсэн нэгэн эмэгтэйн түүхээр аялахдаа та өөрийн сэтгэлээ эрхгүй онгичиж хэн нэгэнтэй сайтар ярилцсан мэт болох байх. “Эмэгтэй” зохиол нь Нью Йорк таймс сонины онцлох номоор шалгарч Лос Анжелесийн номын шагналын эцсийн шатанд шалгарчээ.

Эмэгтэй

Зохиолч:&nbsp;Анни ЭрноОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;109ISBN:&nbsp;9789919281168 Францын зохиолч Анни Эрно Байр суурь (La Place, 1983) зохиолдоо боловсрол, гэрлэлт, хувь хүний үнэт зүйл, хэл яриа, зан араншин, нийгмийн давхарга зэрэг амьдралын өнгө будгийг хайр хагацал, гуниг зовлон, үл ойлголцол гэх сэтгэлийн нарийн нандин мэдрэмжтэй хослуулан аав охин хоёрын харилцааг энгийнээр хүүрнэжээ. Тодруулбал, 12 настайдаа сургуулиа орхиж үйлдвэрийн ажилчин, улмаар бизнес эрхлэгч болсон аав, хувийн сургуульд суралцдаг (буржуаз) байсан охин хоёрын хоорондын харилцаа хийгээд ялгааг дүрсэлсэн аж. Аав нь ном уншдаггүй, “соёл” гэдгийг зөвхөн “газар тариалан эрхлэх” гэх утгаар ойлгодог байсан авай.Байр суурь хэмээх зохиолчийн дөрөв дэх номыг судлаачид “уран зохиолын нээлт” гэж цохон тэмдэглээд “цөөн хуудсанд эцгийнхээ амьдрал ахуй, түүнийг бүтээсэн нийгмийг бүхэлд нь дүрсэлжээ” хэмээн дүгнэсэн ажээ.

Байр суурь

Зохиолч:&nbsp;Маргерит ДьюраОрчуулагч: Д. БолортуяаХавтас: ЗөөлөнХэмжээ:&nbsp;115x180Нүүрний тоо:&nbsp;154ISBN:&nbsp;9789997319074 Романы би хүүрнэгч болох ядуухан франц айлын 15 настай охин нэгэнтээ Мэконг мөрнийг гатлах завиар явж байхдаа залуухан хятад эртэй танилцана. Хятад эрийн том хар лимузин машин хөлөглөснөөс нь харахад хөрөнгө чинээтэй хүн болох нь шууд мэдэгдэнэ. Залуу эр охинтой яриа өдөж, машинаараа хүргэж өгье гэхэд охин саналыг нь хүлээж авна. Залуу эр охинд анхаарал тавин эргүүлсээр, улмаар тэд уулзалддаг болно. Үгүйрч хоосорсон гэр бүлийнхээ санхүүгийн байдлыг сайжруулна хэмээн найдсан би хүүрнэгч маань мөнөөх залуу эртэй хайр сэтгэлийн холбоо тогтоох ажээ. Тэдний энэ хайр дурлал маш олон талаар зөрчилдсөн харилцаа юм: Насны зөрүү, арьс өнгө, хөрөнгө мөнгөний (үүнээс улбаалан бас нийгмийн байдал, эрх мэдлийн ч) ялгаа болон хэн хэндээ хандаж буй сэтгэл мэдрэмж нь хүртэл эрс тэс ялгаатай. Энэ бүх саад тотгорыг эс харгалзан тэдний харилцаа улам гүнзгийрсээр, хөрөнгө мөнгөтэй боловч аз жаргалгүй, цаанаа л гуниг тээсэн залуухан хятад эр ч охинд сэтгэл алдарснаа үл нууна. Гэвч тэдний өмнө олон саад бэрхшээл буйгийн нэг нь залуугийн эцэг. Маш олон хориг цээр, нийгмийн дэг жаягийг эвдсэн энэ хайр сэтгэлийг эцэг нь хэрхэн хүлээж авах бол?

Амраг

Зохиолч:&nbsp;Жорж ОруэллОрчуулагч: Д. ЧулуундоржХавтас: ХатууХэмжээ:&nbsp;145x215Нүүрний тоо:&nbsp;331ISBN:&nbsp;9789997318633 Английн зохиолч Жорж Оруэллийн "Мянга есөн зуун наян дөрөв" дистопи зохиол нь анх 1949 онд хэвлэгдэн гарсан билээ. Энэхүү зохиолд тоталитар засаглалын аймшигт урхгийг зөгнөн бичсэн бөгөөд хар дарсан зүүд мэт айдас хүйдэс ноёлсон, бүхнийг эрхшээгч цагдаагийн улс ирээдүйд тогтож буй тухай өгүүлнэ. Мянга есөн зуун наян дөрөв романд дүрсэлснээр суртал ухуулга явуулсныхаа үрээр тухайн улс бүх иргэнийхээ амьдрал ахуй болоод бодол санаанд бүрэн хяналт тогтоогоод зогсохгүй, тэднийг өөрсдийнхөө бодлогын үүднээс л үг хэлдэг, бодож сэтгэдэг болгох арга журмыг хэрэгжүүлж байгаа нь дэлхийн утга зохиолд хэзээ ч хөндөгдөөгүй тийм л нарийн ширийн задлан дүгнэгдээгүй сэдэв юм.

1984

Зохиолч:&nbsp;Хан ГанОрчуулагч: П. НоминбилэгХавтас: ХатууХэмжээ:&nbsp;140x215Нүүрний тоо:&nbsp;211ISBN:&nbsp;9789919281298 Өмнөд Солонгосын зохиолч Хан Ганы "Бүсгүй" 1997 оны богино өгүүллэгээс сэдэвлэсэн "Цагаан хоолтон" зохиол нь орчин үеийн Сөүл хотод өрнөж, гэрийн эзэгтэй Ёнхэгийн түүхийг өгүүлнэ. Хүний амьтанд хандах харгис хэрцгий байдлын тухай цуст, хар дарсан зүүд зүүдэлсний дараа мах идэхээ больсон нь түүний амьдралыг орвонгоор нь эргүүлдэг. Тус зохиолын хувьд “Цагаан хоолтон”, “Монгол толбо”, “Асаж буй модод” хэмээх гурван бүлгээс бүрдэнэ. Нэг роман боловч тус тусдаа бие даасан хэлбэрээр бичигдсэн өвөрмөц онцлогтой бүтээл бөгөөд Ёнэ хэмээх гол дүрийн бүсгүйгээр гурван бүлэг холбогдоно.

Цагаан хоолтон

Зохиолч:&nbsp;Ли БардугоОрчуулагч: Т. АмардавааХавтас: ЗөөлөнХэмжээ:&nbsp;145x205Нүүрний тоо:&nbsp;480ISBN:&nbsp;9789919509644 "Зургаан хэрээ" романы дэд дэвтэр.&nbsp;Өсвөр үе, залууст зориулсан адал явдалт, зөгнөлт зохиол бөгөөд сэтгэл дэнслүүлэх адал явдал, цэгцтэй, ойлгомжтой найруулга, нүдэнд харагдам уран яруу дүрслэл, түс тас харилцан ярианы нийлэмж болсон, уншихад үнэхээр урамтай зохиол юм.

Урваач хаант улс

Зохиолч:&nbsp;Луиз ЛауриОрчуулагч: Б. ХатантөмөрХавтас: ЗөөлөнХэмжээ:&nbsp;135x200Нүүрний тоо:&nbsp;180ISBN:&nbsp;9789919972547 Хүүхдийн утга зохиолд их ховор төрөлд тооцогдох антиутопи хэв маягаар бичигдсэн энэхүү зохиол нь өсвөр насныханд их хурцаар тавигддаг олон асуултанд хариулт өгдөг юм.<ul><li>Орчлон ертөнц яагаад эмзэглэл өвчин зовлон, харгислал хэрцгийллээр хальж бялхаж байдаг юм бэ?</li><li>Яагаад сайн сайхан бүхнийг хорон муугаас салгаж, тусгаарлах нь заримдаа тийм их хэцүү байдаг юм бэ?&nbsp;</li><li>Нийгмийн болоод хүмүүс хоорондын бүх ялгааг арилгаж, орчлон ертөнцийг шударгаар төвхнүүлбэл ер нь юу болох бол?&nbsp;</li></ul>

Өвлүүлэгч

Зохиолч:&nbsp;Фрэнк ХербертОрчуулагч: П. БаттогтохХавтас: ЗөөлөнХэмжээ:&nbsp;130x200Нүүрний тоо:&nbsp;320ISBN:&nbsp;9789919519704 …Тэд Манхан таро хөзрийг их хэмжээгээр үйлдвэрлэснээр Муад'Дибийн зөгнөлийн хүчийг сааруулжээ. Муад'Диб өөрийг нь устгуулахаар үхсэн хүний махбодоос гаргаж авсан гола бэлгийг хүлээж авахаар заяагдсаныг тэдгээр хөзрийн зарим дүрс илэрхийлнэ. Тэр гола нь залуу Полыг аврахын тулд амиа зольсон, Атрейдес овгийн дайчин Данкэн Айдахо гэдгийг тэд мэддэг байж таарна.

Манхан (Dune) 3-р хэсэг: Гэтэлгэгч

Зохиолч:&nbsp;Фрэнк ХербертОрчуулагч: П. Баттогтох, А. ОюунзулХавтас: ЗөөлөнХэмжээ:&nbsp;130x200Нүүрний тоо:&nbsp;352ISBN:&nbsp;9789919509842 Энэ бол одод хоорондын аялалд нэн чухал баялаг спайс буюу нунтгийн цор ганц эх уурхай, Арракис хэмээх цөлжсөн гаргийг хяналтдаа авах гэсэн язгууртнуудын хооронд өрнөж буй улс төрийн тэмцлийн тухай ном. Энэ бол хувь хүний шүтлэг, империализм, колоничлол, эрх мэдлийн төлөөх өрсөлдөөн, популизм зэрэг улс төрийн цогц сэдвүүд рүү гүн гүнзгий шумбах боломж. Мессиагийн дүрүүд, шашны фанатизм, соёлын империализм, бурханчлах үзэл зэрэг олон сэдвийг хөндсөн төдийгүй, чөлөөт хүсэл, хүний нийгмийн болон хувийн мөн чанар гэх мэт философийн ухагдахуунуудыг ч орхигдуулаагүй тун баялаг зохиол.&nbsp;

Манхан (Dune) 2-р хэсэг

Зохиолч:&nbsp;Фрэнк ХербертОрчуулагч: А. ОюунзулХавтас: ЗөөлөнХэмжээ:&nbsp;130x200Нүүрний тоо:&nbsp;392ISBN:&nbsp;9789919509750 Энэ бол одод хоорондын аялалд нэн чухал баялаг спайс буюу нунтгийн цор ганц эх уурхай, Арракис хэмээх цөлжсөн гаргийг хяналтдаа авах гэсэн язгууртнуудын хооронд өрнөж буй улс төрийн тэмцлийн тухай ном. Энэ бол хувь хүний шүтлэг, империализм, колоничлол, эрх мэдлийн төлөөх өрсөлдөөн, популизм зэрэг улс төрийн цогц сэдвүүд рүү гүн гүнзгий шумбах боломж. Мессиагийн дүрүүд, шашны фанатизм, соёлын империализм, бурханчлах үзэл зэрэг олон сэдвийг хөндсөн төдийгүй, чөлөөт хүсэл, хүний нийгмийн болон хувийн мөн чанар гэх мэт философийн ухагдахуунуудыг ч орхигдуулаагүй тун баялаг зохиол.&nbsp;Эцэст нь, байгаль хүн ба соёлыг хэрхэн бүрдүүлдэг, хүмүүс байгалийг захирахаар хэрхэн улайрдаг тухай эндээс уншиж болно.

Манхан (Dune) 1-р хэсэг

Зохиолч:&nbsp;Жожо МойесОрчуулагч: Б. ЭгшиглэнХавтас: ЗөөлөнХэмжээ:&nbsp;148x210Нүүрний тоо:&nbsp;413ISBN:&nbsp;9789919519698 Нэгэн баян бизнесмений эхнэр фитнест брэндийн цүнхээ хуулбар цүнхтэй санаандгүй сольчихдог. Бүсгүйн цүнхэнд алдартай брэндийн хувцаснаас гадна Лүбүтиний чамин улаан туфли байв. Харин нөгөө эмэгтэйн цүнхэнд энгийн нэгэн хар гутал л байж. Үнэтэй цүнхийг авч явсан бүсгүй уулзалтаас хоцрохгүйн тулд улаан өсгийтийг өмсөж улмаар хэд хэдэн гэрээг амжилттай хийнэ. Орой нь амжилтаа тэмдэглэхдээ ч өнөөх гутлын ид шидийг мэдэрч итгэл дүүрэн алхана. Учир нь улаан өсгийтийг өмссөн бүсгүй бүхнийг өөртөө соронзон мэт татаж байлаа. Эмэгтэй цүнхийг эргүүлэн өгөхөөр фитнест очсон ч засварт орж тодорхойгүй хугацаагаар хаагдсан байдаг…

Улаан өсгийтийн нууц

Зохиолч:&nbsp;Жожо МойесОрчуулагч: О. АнударьХавтас: ЗөөлөнХэмжээ:&nbsp;148x210Нүүрний тоо:&nbsp;528ISBN:&nbsp;9789919509859 “ПАРИСТ ӨНГӨРҮҮЛСЭН БАЛ САР” номын хоёрдугаар дэвтэр Дэлхийн нэгдүгээр дайны цөвүүн цаг үе. Франц Улс, Сен-Перон хот. Хайрт нөхрөө дайнд үдсэн Софи Лефевр гэр бүлээ харж хамгаалах үүрэгтэй үлдэнэ. Төрөлх хотыг нь германчууд эзлэн түрэмгийлжээ. Харин Софи орой бүр зочид буудалдаа тэдэнд үйлчилж, хоол цай хийж өгөх хүндхэн үүрэг хүлээнэ. Яг энэ л үед Софигийн хөрөг зураг Сен-Перонд шинээр ирсэн Комендантын нүдэнд тусаж, франц бүсгүйн төрх герман эрийн санаанаас гарахаа больжээ. Хайрт Эдуардынх нь зурсан тэр л бүтээл Комендант, Софи хоёрыг холбоно…

Чиний орхиж одсон бүсгүй

Зохиолч:&nbsp;Жожо МойесОрчуулагч: О. АнударьХавтас: ЗөөлөнХэмжээ:&nbsp;148x210Нүүрний тоо:&nbsp;128ISBN:&nbsp;9789919509668 Зохиолын нэрэнд дурдсанчлан энэхүү зохиолд залуу хосын Парист өнгөрүүлсэн бал сарын тухай өгүүлэх болно. Дэвид ажилдаа хэт анхаараад, өөрийг нь хоёрдугаарт тавьж буй мэт санагдахад Лив Холстон түүнд тунирхан, яаран гэрлэсэн шийдвэртээ ч эргэлзэнэ. Тэд бол үйл явдлын нэгдүгээр шугамд өгүүлэгдэх, өнөө цагийн хос юм. Харин хоёрдугаар шугамд дэлхийн нэгдүгээр дайны өмнөхөн Парист учирсан хосын харилцааг өгүүлнэ. Тосгоны охин, дэлгүүрийн худалдагч Софи, нэрд гарч буй зураач Эдуардтай гэрлэсэн ч мөн л нөхөртөө гомдож, тунин, ирээдүйд түүний хайрыг татсан хэвээр байх эсэхдээ эргэлзэж эхэлнэ. Хайр гэдэг ажил, амжилт, нэр алдраас ч хавьгүй үнэ цэнтэй, эрхэм нандин мөртөө мөн тийм эмзэг, турьгүй зүйл гэдгийг чухам хайрын романсаас л гарах нарийн, торгон мэдрэмжээр урлан бичжээ.

Парист өнгөрүүлсэн бал сар

Зохиолч:&nbsp;Кавагүчи ТошиказүОрчуулагч:&nbsp;Э. ТэргэлХавтас: ЗөөлөнХэмжээ:&nbsp;115x180Нүүрний тоо:&nbsp;264ISBN:&nbsp;9789919281250 Түм түжигнэж, бум бужигнасан Токио хотод, хүний нүдэнд анзаарагдамгүй гудмын мухарт “Фүникүри Фүникура” гэх кафе бий. Эл кафе хүмүүст өнгөрсөн хийгээд ирээдүйд очих боломжийг олгодог. Гэхдээ өнөө цаг өөрчлөгдөхгүй гэх дүрэмтэй ч үүнийг нь үл ажран зорин ирэх хүмүүс цөөнгүй. Тэд ямар зорилгоор, ямар үр дүн хүлээн өнгөрсөн рүү буцна вэ?Дурсамж мартагдахаас өмнө зохиол нь дөрвөн шинэ үйлчлүүлэгчийн өөр өөр, сонирхолтой түүхийг өгүүлнэ."...Угтаа ийм кафе байдгийг мэддэггүй сэн бол ирээдүй рүү явах гэсэн сонголт байхгүй шүү дээ."

Дурсамж мартагдахаас өмнө

Зохиолч:&nbsp;Кавагүчи ТошиказүОрчуулагч:&nbsp;Ц. Энх-АмгаланХавтас: ЗөөлөнХэмжээ:&nbsp;115x180Нүүрний тоо:&nbsp;232ISBN:&nbsp;9789919517816 Жижигхэн кафе, цөөн тооны дүр гэдэг яг л театрын жүжиг шиг. Зохиолч Кавагүчи Тошиказу нь жүжгийн зохиолч агаад хүүрнэлийн арга барилаараа тун чиг онцгой. Дүрүүдийн үйлдэл, нүүрний хувирал бүхнийг нүдэнд үзэгдэм нарийн дэлгэрэнгүй харуулахын сацуу кафед өрнөж буй үйл явдал, орж гарч буйг хүртэл хонхны жингэнээнээр мэдэгдэн үзэгдэл солигдох мэт илүү бодитой, илүү ойлгомжтой болгон өгчээ. Зохиол сэдвийн хувьд ямар нэгэн нийгэм улс төр, соёлын хүнд асуудлуудыг хөндсөнгүй, ердөө хүмүүний сэтгэл хөдлөл, хүн хоорондын харилцаа, итгэлцэл, холбогдолыг үзүүлэхийг чухалчилснаараа цэвэр драмын шинжтэй.Харамсал, харууслын сэдэв уран зохиолд ч гэлтгүй намтар, туужид хүртэл бий. “Буцаж очоод өөр шийдвэр гаргах сан, алдаагаа засах сан, аль эсхүл дахин тэр мөчийг мэдрэх сэн” гэсэн өгүүлэмж цаг хугацааны дараалласан шугамд, түүгээр аялах боломжид л хамаатай буй.