Амьсгал
26,700
Бүтээгдэхүүний код: 9789919511401
🚚Хүргэлттэй
Зохиолч: Жеймс Нэстор
Орчуулагч: С. Түмэндэмбэрэл, Л. Өлзийсайхан
Хавтас: Зөөлөн
Хэмжээ: 140x205
Нүүрний тоо: 274
ISBN: 9789919511401
“Энэхүү ном хүн төрөлхтний хувьсал, анагаах ухааны түүх, тамирчдын тэсвэр тэвчээр зэрэг маш олон зүйлийн талаар эрэл хайгуул хийсэн. Гэхдээ үүнээс илүүтэйгээр та номоос өөрийгөө шинжилж таних болно” гэж зохиолчийн хэлсэнчлэн уг номоос буруу амьсгалснаас үүдэх өнөөгийн нийгмийн түгээмэл асуудал болох нойргүйдэл, харшил, багтраа, шүд амны гаж хөгжил, стресс бухимдал гээд сэтгэлзүйн асуудлын уг үндэс чухам юу вэ гэдгийг мэдэх болно.
Амьсгал бол төрсөн цагаасаа л зөнгөөрөө хийдэг хүн бүрийн чаддаг зүйл байтал зөв амьсгалах, буруу амьсгалах гэж юу яриад байна гэж та гайхаж магадгүй. Гэвч амьсгал бидний төсөөлж байгаа шиг тийм энгийн үйлдэл биш. Бидний авсан амьсгал бүрээр биед орох хэдэн тэрбум молекул биеийн эд эсэд нэвчиж, хаа хүрэх вэ гэдэг нь агаар хамраар орж ирсэн үү, амаар орж ирсэн үү, хэр хурдан, хүчтэй, гүн, удаан амьсгалж байгаагаас хамаардаг. Хамраар амьсгалах, амаар амьсгалах хүний биед ямар нөлөө үзүүлдэг, ямар ялгаатай гэдгийг батлан харуулахаар зохиолч Стэнфордын судлаачидтай хамтран өөрийн бие дээр туршилт явуулж, шинжлэх ухааны үндэслэлтэй тайлбар өгөхийг зорьжээ. Цаашлаад буруу амьсгалаас үүдэлтэй асуудлууд хэзээнээс эхлэв, үүний уг үндэс юу байв гэдгийг эрж хайх явцдаа эртний хүмүүсийн амьдралын хэв маяг, хооллолт, эрүүл мэнд ямар байсныг судалж, эрдэмтэн мэргэд, судлаачдын бий болгож хөгжүүлсэн амьсгалын дасгал техникүүд хүний биед хэрхэн ач тусаа өгдгийг тайлбарлажээ.
Энэхүү номд хөндөж гаргасан асуудал бүрийг олон олон эрдэмтэн судлаачдын хийж байсан туршилт, эрдэм шинжилгээний өгүүлэл, судалгаанд тулгуурлан бичсэн байна. Номтой холбоотой баримт нотолгоог цааш дэлгэрүүлэн судлах сонирхолтой хэн бүхэнд хэрэг болох үүднээс 300 орчим шинжлэх ухааны материалын жагсаалтыг ном зүй хэсэгт тайлбарын хамтаар оруулсан болно. Бид яаж амьсгалж байгаагаа ч анзаарах сөхөөгүй яваа өнөөгийн завгүй нийгмийн эрүүл мэндийн нийтлэг асуудлын шалтгааныг энэ номоос олж авна гэдэгт итгэлтэй байна.